Yenixeber.org: Türkiyə ABŞ-da həbsdə olan Cənubi Azərbaycandan olan milyonçu ilə bağlı bu ölkəyə nota verib. İstiPress-in Türkiyə mətbuatına istinadla verdiyi məlumata görə, vəkilləri 5 gündür ki, ABŞ-da həbsxanada saxlanılan Rza Zərrabla əlaqə saxlaya bilmədiyini açıqlayıb. Bu bəyanatdan sonra Xarici İşlər Nazirliyi məhbusun vəziyyəti haqqında məlumat verilməsi tələbi ilə qarşı tərəfə yazılı nota ünvanlayıb. 

XİN sözcüsü Hüseyn Müftüoğlu hələlik notaya rəsmi cavab ala bilmədiklərini deyib. "Bu məsələni yaxından izləyirik. Vaşinqton səfirliyi məlumat tələb edib".

ABŞ Dövlət Departamentindən isə "Amerikanın səsi"nə verilən açıqlamada  diplomatik yazışmaların tərkibinin açıqlana bilinməyəcəyi bildirib. 

Xatırladaq ki, R.Zərrab iki il öncə çirkli pulların yuyulması, İrana qarşı sanksiyaları pozmaq, bank sənədlərini saxtalaşdırmaq ittihamları ilə istirahət üçün getdiyi ABŞ-da həbs edilmişdi. Bir necə gün öncə onun azad edildiyi barədə xəbərlər yayılsa da, ABŞ tərəfi bunu təkzib edib. 

İş adamının növbəti məhkəməsi noyabrın 27-də olmalıdır.