AZ
RU
İsrail Türkiyədə prezident seçkisinin bitməsini gözləyir
İsrailin Xarici İşlər naziri Aviqdor Liberman ilə ABŞ Dövlət katibi Con Kerri arasında telefon danışığı olub.
"Xeberinfo.com": Axar.az xəbər verir ki, İsrail Xarici İşlər Nazirliyi tərəfindən verilən açıqlamada nazir Liberman Kerri ilə danışığında ABŞ-ın BMT-də İsrail əleyhinə qərarın çıxarılmaması üçün verdiyi dəstəyə görə təşəkkür edib.
Qeyd edək ki, Liberman telefon danışığında Türkiyə mövzusuna da toxunub.
Türkiyə ilə gərginliyin yaranmasında İsrailin maraqlı olmadığını deyən Liberman vəziyyətin belə davam edəcəyi təqdirdə susmayacaqlarını bildirib:
“İsrail Türkiyə ilə gərginliyi artırmaq istəmir. Biz bu vaxta kimi Baş nazir Ərdoğanın İsrailə qarşı ittiham və sərt bəyanatlarına cavab verməkdən imtina etmişik. Ümid edirəm ki, Türkiyədə keçiriləcək prezident seçkilərindən sonra bu hücumlar sona çatar. Çatmasa, İsrail buna cavab verəcək”.
