AZ
RU
Petrosyandan Qarabağ açıqlaması
Rusiya Qarabağda atəşkəsin pozulmasının genişmiqyaslı xarakter almasının qarşısını almaq iqtidarındadır.
Xeberinfo.com: Bu sözləri Ermənistanın birinci prezidenti Levon Ter-Petrosyan bildirib.
"Təmas xəttində atəşkəsin bərpa edilməsinə Rusiyanın vasitəçiliyi ilə nail olundu. Rusiya xırda pozuntulara elə də önəm vermir, ancaq genişmiqyaslı hərbi qarşıdurmanın qarşısını almaqda bacarıqlıdır", - Ter-Petrosyan qeyd edib.
Onun sözlərinə görə, Qarabağda münaqişənin nizama salınması üzrə keçiriləcək növbəti danışıqlarda Rusiyanın rolu böyük olacaq.
Qeyd edək ki, Ter-Petrosyan “mərhələli həll” planını dəstəklədiyinə görə 1998-ci ildə Serj Sərkisyan və Röbert Köçəryan tərəfindən hərbi çevrilişlə vəzifədən uzaqlaşdırılıb. Hələ o zaman Ter-Petrosyan “indi Azərbaycanın təklif etdiyi şərtləri vaxt gələcək diz üstə, yalvara-yalvara xahiş edəcəksiniz” deyə açıqlamışdı.
2-5 aprel tarixlərində cəbhədə yaşananlardan sonra S.Sərkisyan ilk dəfə olaraq Ter-Petrosyanın evinə getdi və onunla Qarabağla bağlı müzakirə apardı. Bir saat davam edən müzakirə barədə mediaya heç bir açıqlama verilməyib.
.jpg)
