AZ
RU
ABŞ-ın milli təhlükəsizlik agentliyi Fransa prezidentlərinin telefon danışıqlarını dinləyib
İyunun 24-də Fransada milli təhlükəsizlik və müdafiə şurasının iclası keçiriləcək. İclasda Fransa prezidentlərinin telefon danışıqlarının ABŞ-ın milli təhlükəsizlik agentliyi (MTA) tərəfindən gizli şəkildə dinlənilməsi ilə bağlı məsələ müzakirə ediləcək.
"Xeberinfo.com": AZƏRTAC İnterfax informasiya agentliyinə istinadla xəbər verir ki, şuranın iclası Fransa prezidenti Fransua Ollandın təşəbbüsü ilə çağırılıb.
Qalmaqal “Liberation” qəzetinin “Wikileaks” saytının əldə etdiyi MTA sənədlərinə istinadla agentliyin 2006-2012-ci illərdə Fransanın üç prezidenti - Jak Şirak, Nikola Sarkozi və Fransua Ollandın telefon danışıqlarını dinlədiyi barədə məqaləsindən sonra başlayıb.
Bundan başqa sənədlərə əsasən nazirlərin, digər yüksək vəzifəli məmurların, deputatların və diplomatların da danışıqlarına gizli şəkildə qulaq asılırmış.
