De-fakto - Yenixeberorg.com - Oxu, xəbərin olsun

“Dr.Gülü” Gülbadə Abdullayeva 1300 manata nark*zla estetik əməliyyat edir?-

Admin — Fri, 17 Apr 2026 09:09:45 +0400

Səhiyyə Nazirliyinin və Baş Prokurorluğun müdaxiləsindən sonra qanunsuz estetik əməliyyatlar apardığı iddia edilən “Dr.Gülü” Gülbadə Abdullayevanın fəaliyyətini dayandırdığı bildirilsə də, onun yenidən bu sahədə aktiv olduğu ilə bağlı məlumatlar yayılmaqdadır.

Yenixeberorg.com: Məlumata görə, özünü “Dr. Gülü” kimi təqdim edən Abdullayeva Gülbadə Əliqizmət qızının Səhiyyə Nazirliyinin tibb işçilərinin vahid reyestrində həmçinin Analitik Ekspertiza Mərkəzinin plastik cərrahiyyə ixtisası üzrə
praktik tibb fəaliyyətinə icazə verilən həkim-mütəxəssislərin SİYAHISIn da adı olmadığı məlum olmuşdur. Həmçinin heç bir həkim sertifikasiyası olmayan şəxsin tibbi fəaliyyətlə məşgul olması müəmmalıdır.

İddialara əsasən, o, “Billur Estetik” adı altında müxtəlif estetik prosedurlar həyata keçirir. Bu barədə xəbər verilmişdir.

Qeyd olunur ki, sözügedən məkanda liposaksiya, bədən şəkilləndirmə və üz nahiyəsinə müdaxilələr,qaşqaldırma, üzgərmə kimi prosedurlar icra edilir. Bununla bağlı yayılan videogörüntülərdə isə pasiyentlərlə birbaşa pul razılaşmalarının aparıldığı əks olunur. Hətta əməliyyat narkozla icra olunucağı razılaşdırılır.

Həmin videogörüntülərdən belə qənaət formalaşır ki, tibbi ixtisası və müvafiq icazələri ilə bağlı suallar doğuran şəxslər estetik əməliyyatları davam etdirirlər. Bu isə həm tibbi təhlükəsizlik, həm də qanunvericiliyin tələblərinə əməl olunması baxımından ciddi narahatlıq yaradır.

Sosial şəbəkələrdə yayılan məlumatlara görə, əvvəlki müdaxilələrdən sonra fəaliyyətin dayandırıldığı bildirilsə də, yeni hesablar açılaraq müştəri cəlbi prosesi davam etdirilir. “Billur Estetik” adlı sosial platformadan müştərilər yığılır canlı açaraq pasiyentlər qiymətlər və əməliyytlar barəsində Fatimə adlı şəxs estetik əməliyyatlarla bağlı məlumatlar verir.

Bütün bu iddialar fonunda əsas sual açıq qalır: icazəsiz və ixtisassız şəkildə estetik prosedurların həyata keçirildiyi iddia olunan bu kimi hallara nə üçün effektiv nəzarət təmin olunmur? Gülbadə Abdullayeva barəsində hüquq mühafizə orqanları araşdırma aparacağlna və qanun pozuntularına yol veriilməsi ilə bağlı hüququ qiymət veriələcyinə inanırıq

Məsələ ilə bağlı araşdırmaların aparılması və hüquqi qiymətin verilməsi aidiyyəti qurumların səlahiyyətindədir.

Xəbərdə adları keçənlərin və aidiyyatı qurumlarında fikirlərini dərc etməyə hazırıq.

” Dr. Gülü” kimi tanınan estetik prosedurların icrasına heç bir icazəverici sənədi olmayan Gülbadə Abdullayevanın qəbulunda olan pasiyentin narkozla icra olunacaq əməliyyatın görüntüləridə yayılıb.(XALQ)

Hacı Rasimin “Möcüzə” marketində vaxtı keçmiş məhsul satılır -

Admin — Thu, 16 Apr 2026 10:41:53 +0400

Paytaxtın Sabunçu rayonu Bakıxanov qəsəbəsində Nazim İsmayılov küçəsi 5 ünvanında fəaliyyət göstərən, “Hacı Rasim” kimi tanınan Rasim Nəbiyevin rəhbəri olduğu “Möcüzə market “ vaxtı keçmiş məshul satılıdığı aşkar olunub.

Yenixeberorg.com: Məlumat sosial paltformada paylaşılıb. Görüntülərdən də aydın olur ki, alıcı vaxtı keçmiş məhsulu aşkarlayaraq market səlahiyyətli şəxsə göstərəcəyini bildirir.

Alıcı qeyd edir 15.04.2026- cı il tarixində sabah üçün son istehlak tarixi olan məhsulu nümayiş etdirir.

Lakin mağaza rəhbərliyi vaxtı ötmüş məhsulu vitrindən götürmək əvəzinə satışı davam etdirirlər.

Bu kimi hallarla Qida Təhlükəsizliyi Agentliyi (AQTA) mətəmadi mübarizə aparsada bəzi hallarda mağaza sahibləri fürsətdən istifadə edə bilirlər.

Faktla bağlı sahibkar barəsində Qida Təhlükəsizliyi Agentliyi (AQTA) sorğu verilib.(XALQ)

Asif Məcidov peyk görüntülərini danmağın yolunu axtarır -

Admin — Wed, 15 Apr 2026 12:38:45 +0400

Azərbaycan Respublikası Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsinin (RETSİ) xidməti ərazisi Sumqayıt şəhəri, Abşeron və Xızı inzibati rayonlarını əhatə edir. İdarə öz xidməti ərazisində, o cümlədən Xəzər dənizinin bu zonaya aid hissəsində ətraf mühitin mühafizəsi, təbii ehtiyatların monitorinqi və təbii ehtiyatlardan səmərəli istifadə olunması sahəsində sahələrarası idarəetməni və dövlət nəzarətini həyata keçirən səlahiyyətli orqandır.
Yenixeberorg.com: Ancaq Asif Məcidov İdarəyə rəis vəzifəsinə təyin olunandan sonra nəzarətində olan ərazidə təbii ehtiyatlara nəzarət olduqca zəifləyib və bu mənfi tendensiyanın səhlənkarlıqla deyil, neqativ hallara bilərəkdən gözyumma ilə bağlı olduğu aşkar müşahidə olunur. Ona görə aşkar deyə bilərik ki, faktlarla əlaqədar nəzarətedici orqana məlumat verdikdə belə İdarənin funksionerləri susurlar.
Abşeron rayonunun Masazır qəsəbəsinin Rafiq Dünyamalıyev-15 ünvanında aparılan tikinti işlərinə daha geniş meydan açmaq üçün çoxsaylı ağacların kəsildiyi aşkarlanıb. Məlum olub ki, tikinti işlərinin aparıldığı sözügedən ərazidəki torpaq sahəsinin “çıxarış” sənədi var, amma sahədə tikintiyə icazə yoxdur. Redaksiyamızın əməkdaşları ağacların kəsildiyi həmin ünvanda olmuşlar. Tikinti işini aparan şəxslərə sual etdikdə, onlar bildiriblər ki, ağacların kəsilməsinə
4 saylı RETSİ-nin rəisi icazə verib. Maraqlıdır ki, hətta torpaq sahəsində tikinti işlərinin aparılmasına icazə verilsə belə, ağacların götürülməsi üçün çox ciddi səbəb olmalıdır. Odur ki, məsələ ilə bağlı Regional İdarənin rəisinin münasibətini öyrənməyə cəhd etdik. Lakin Asif Məcidovla telefon əlaqəsi yarada bilmədik. Əvəzində İdarənin məsul əməkdaşı Əlşad müəllimlə danışdıq. İdarə mənsubu məlumatı öyrənəndən sonra bizdən faktı təsdiqləyən foto-video görüntüləri istədi, vəd etdi ki, araşdırıb nəticə barədə bizi məlumatlandıracaq. Ona həmçinin rəisin “xeyir-duası” barədə bizə deyiləni də çatdırdıq. Ardından əlimizdə olan çəkiliş qeydlərini, o cümlədən peyk görüntülərini Əlşad müəllimin vatsap nömrəsinə yolladıq.
Ancaq Əlşad müəllimdən hələ də cavab ala bilməmişik. Görünür, daş qayaya rast gəlib: faktı nə təsdiq, nə də təkzib edə bilir. Oxşayır ki, Asif Məcidov ağacların kəsilməsinə icazə verib, amma rəsmi deyil. Başqa nə ola bilər ki? Bəlkə peyk görüntülərini danmağın yolunu axtarırlar?(nyus.az)
Nisa Şirvanlı

7 nömrəli Yol İstismar İdarəsinin rəisi Məzahir Əliyev işçiləri şəxsi zavodunda çalışdırır? -

Admin — Thu, 09 Apr 2026 11:45:58 +0400

Azərbaycan Avtomobil Yolları Dövlət Agentliyinin (AAYDA) 7 nömrəli Yol İstismar İdarəsinin direktoru Məzahir Əliyevin dövlətə məxsus işçi qüvvəsini və xidməti resursları şəxsi maraqları üçün səfərbər etdiyi iddia olunur.

Yenixeberog.com: Əldə etdiyimiz məlumata görə, Məzahir Əliyev AAYDA-nın ştatında olan bir qrup işçini özünə məxsus beton-asfalt zavodunda çalışdırır. Halbuki AAYDA-nın balansında belə bir zavod yoxdur. Bu isə dövlət qurumunun kadr və maliyyə resurslarının şəxsi biznes fəaliyyətinə yönəldilməsi ilə bağlı ciddi suallar yaradır.

İddialara əsasən, direktor öz vəzifə səlahiyyətlərindən və inzibati imkanlarından istifadə edərək ən azı 10 nəfər ştatlı işçini şəxsi zavodunda işləməyə cəlb edib. Həmin şəxslər faktiki olaraq Məzahir Əliyevə məxsus istehsal obyektində fəaliyyət göstərsələr də, onların əməkhaqqı dövlət büdcəsi hesabına ödənilir. Başqa sözlə, dövlətin maaş fondundan ayrılan vəsaitin şəxsi təsərrüfatın saxlanılmasına yönəldildiyi iddia edilir.Məsələ bununla da yekunlaşmır.

Baş mühəndis Adil maliyyə yoxlaması gələndən 3 aydir işə çıxmır.

Məlumata görə, 7 nömrəli Yol İstismar İdarəsinin əməkdaşları direktorun Qobustan rayonunda icarəyə götürdüyü “Qobuland” ailəvi istirahət mərkəzində də fəhlə kimi işlədilir. Məzahir Əliyevin idarəni “Qobuland”dan idarə etdiyi bildirilir.İddialar təsdiqini taparsa, bu hal dövlət qurumunun əmək resurslarının birbaşa şəkildə şəxsi kommersiya obyektinə daşınması və istismar olunması kimi qiymətləndirilə bilər.

Bununla yanaşı, 67 yaşlı Məzahir Əliyevin idarəyə məxsus xidməti avtomobildən də şəxsi məqsədlərlə istifadə etdiyi bildirilir. İddialara görə, dövlət balansında olan nəqliyyat vasitəsi ilə onun icarəsində olan istirahət mərkəzinə ərzaq və digər yüklər daşınır. Bu isə xidməti avtomobilin təyinatından kənar istifadəsi və dövlət əmlakının şəxsi ehtiyaclara yönəldilməsi anlamına gəlir.

Cavan kadrlara ehtiyac ola-ola Məzahir Əliyevin pensiya yaşının kerçməsinə baxmayaraq hələ də vəzifədə qalması təəcüb doğurur.

Ortaya çıxan bu iddialar bir neçə ciddi məqamı gündəmə gətirir:

dövlət işçilərinin şəxsi biznesdə çalışdırılması, büdcə vəsaitinin dolayı yolla mənimsənilməsi riski, xidməti avtomobillərdən şəxsi məqsədlər üçün istifadə və vəzifə səlahiyyətlərinin şəxsi maraqlara tabe etdirilməsi.

Əgər sadalananlar doğrudursa, bu, təkcə etik pozuntu deyil, həm də hüquqi qiymət tələb edən məsələdir. Çünki söhbət dövlət qurumunun resurslarının sistemli şəkildə şəxsi təsərrüfata yönəldilməsindən gedir.(tribuna.az)

Qarşı tərəfin münasibətini dərc etməyə hazırıq.

Fərid Eyvazov klinikaya rəhbər təyin olunduqdan sonra həkimləri və digər işçiləri didərgin düşüblər -

Admin — Wed, 08 Apr 2026 09:46:55 +0400

Xəbər verildiyi kimi, Səhiyyə naziri Teymur Musayevin sərəncamı ilə Fərid Eyvazov bu ilin aprelində Azərbaycan Tibb Universitetinin Tədris Terapevtik Klinikasına baş direktor təyin olunub. 2005-2006-cı illərdə Musa Nağıyev adına “Təcili Tibbi” yardım xəstəxanasında həkim-interna kimi fəaliyyət göstərən, 2008-2009-cu illərdə N.Tusi Klinikasında, 2011-ci ildən 2012-ci ilədək «Medikal Plaza» Klinikasında çalışan, 2013-2016-cı illərdə Səhiyyə Nazirliyində Özəl tibbi müəssisələrinin lisenziyalaşdırılması üzrə ekspert olan, 2014-2015-ci illərdə “Qrand-Hospital”da, 2015-2018-ci illərdə “Aliance-Clinik”də baş həkim kimi fəaliyyət göstərən, nəhayət, “Bakı Bərpa Mərkəzi”ndə baş həkim işləyən Fərid Eyvazovun gəlişi ilə klinikada qalmaqallar başlayıb.

Yenixeberorg.com: Bu barədə redaksiyamıza müraciət edən klinikanın mühafizə xidmətində uzun illərdir çalışan Fərid Pirverdiyev açıqlama verib. Şikayət məktubundan sitat: «Hörmətli «Təzadlar! Bu məktubu sizə ünvanlamaqda məqsədim dərdlərimə şərik olub mənə köməklik etməyinizdir. Səhiyyə Nazirliyinə, Dövlət Əmək Müfəttişliyi Xidmətinə, Azərbaycanın 1-ci vitse-Prezidenti Mehriban xanım Əliyevaya, eləcə də Ombudsmana müraciət etmişəm, lakin nəticəsi yoxdur. Ona görə də istədim sizin qəzet vasitəsilə dərdimi bölüşüm, bəlkə yatmış qəlblər oyandı. Mən sizi bir obyektiv və namuslu jurnalist bilib müraciət edirəm. Mən, Pirverdiyev Fərid Ədalət oğlu, uzun müddət idi Azərbaycan Tibb Universitetinin Tədris Terapevtik Klinikasında baş mühafizəçi işləyirdim. Mart ayından qara günlərim başlayıb. Səbəb isə Fərid Eyvazovun klinikaya yeni direktor təyin olunmasıdır. Səhiyyə Nazirliyinə və digər təşkilatlara bu direktorun qanusuz əməlləri haqqında dəfələrlə yazmağıma baxmayaraq, səsimə səs verən olmayıb. Sadəcə, əsəblərimdən çox şeyi yaza bilmirəm. Xahiş edirəm, məni Sizin internet televiziyanıza çıxarasınız, qoy cənab Prezident, eləcə də səhiyyə naziri Teymur Musayev burada baş verənlərdən məlumatlı olsunlar. Mənə bəlli olan budur ki, Fərid Eyvazov Klinikanı «özəlləşdirib», öz əsabələrini yanına yığaraq əvvəllər rəhbəri olduğu «Bakı Bərpa», «Alyans» və digər şirkətləri də idarə edir. Tədris Terapevtik Klinikanın həkimləri və digər işçiləri bu direktroun əlindən didərgin düşüblər. Hətta o, rektor Gəray Gəraybəylini belə saymır, istədiyini edir. Narazılar şikayət edir, Səhiyyə Nazirliyindən gələn komissiyanı da öz havadarlarının hesabına elə «yola» salır ki, heç kimin ruhu da incimir. Deyiləsi sözlərim çoxdu. Xahiş edirəm mənimlə bu nömrə ilə əlaqə saxlayasınız və mən sizə sənədlərlə və faktlarla geniş açıqlama verim…».

Daha ətraflı yazı təqdim ediləcək.

Redaksiyadan: məsələ ilə bağlı şikayətçi Fərid Şahverdiyevi təkrarən redaksiyaya dəvət etdik, söhbət etdik… Bu barədə əlavə yazı təqdim ediləcək. Eləcə də baş verənlərlə bağlı (bəzi faktların aidiyyəti dövlət qurumlarında araşdırılması məqsədəmüvafiq sayıldı) Azərbaycan Tibb Universitetinin Tədris Terapevtik Klinikasının baş direktoru Fərid Eyvazovla əlaqə saxlamağa çalışdıq. Lakin ATU-nun rəsmi saytındakı bölmədə klinikanın adının üstündən klıklayanda «Səhifə əlçatan deyil» sözləri yazılmaqdadır. O boyda universitetin saytındakı bu texniki anlaşılmazlıq və qüsur başa düşülən deyil… Çünki klinika barədə hansısa məlumat əldə etmək mümkünsüzdür.(«Təzadlar»)

Klinikanın baş direktoru F.Eyvazovu da dinləməyə hazırıq.

Qaradağ rayonunda qanunsuz tikintilərə kim nəzarət edir? -

Admin — Tue, 07 Apr 2026 15:54:53 +0400

Son günlər Qaradağ rayonu ilə bağlı müxtəlif şikayətlərin artdığı bildirilir. Xüsusilə Lökbatan qəsəbəsi, 1-ci massiv ərazisində yaşayan bəzi sakinlər tərəfindən redaksiyaya daxil olan müraciətlərdə torpaq məsələləri ilə bağlı narazılıqlar ön plana çəkilir.

Yenixeberorg.com: Müraciətlərdə əsas diqqət çəkən məqamlardan biri Qaradağ Rayon İcra Hakimiyyətinin Ərazi-təşkilat və ictimai-siyasi məsələlər şöbəsinin müavini, eyni zamanda Ərazi-təşkilat məsələləri sektorunun müdiri Həsənov İmran Elman oğlunun adı ilə bağlı səsləndirilən iddialardır.

Sakinlərin sözlərinə görə, ərazidə torpaq sahələrinin satışı zamanı məhz bu şəxs və onunla əlaqəli olduğu iddia edilən şəxslər tərəfindən vətəndaşlara tikinti üçün bütün lazımi icazələrin alınacağı və heç bir problemin yaranmayacağı vəd edilib. Lakin daha sonra həmin torpaq sahələrində tikinti işlərinə başlanıldıqda, guya icazənin olmadığı əsas gətirilərək söküntü işlərinin aparıldığı qeyd olunur.

Şikayətçilər iddia ediblər ki, sonradan məsələni həll etmək üçün yenidən müxtəlif məbləğlərdə pul tələb olunur və bu vəsait müqabilində rəsmi sənədlərin təqdim ediləcəyi bildirilir.

Qeyd olunan iddialarla bağlı rəsmi qurumların mövqeyi hələlik açıqlanmayıb.(XALQ)

Alibek Kurbanovun törətdiyi özbaşınalıqlar... -

Admin — Mon, 30 Mar 2026 11:08:10 +0400

Etibarlı mənbəmizin məlumatları əsasında apardığımız ətraflı araşdırmalardan sonra məlum oldu ki, özünü Qubanın qara ləkəsi kimi tanıdan peşəkar fırıldaqçı Alibek (Adil) Kurbanovun törətdiyi qanunsuz əməllər çoxdur.

Yenixeberorg.com: Üzə çıxardığımız ciddi faktlarla bağlı hazırlayıb dərc etdiyimiz yazılarla bu qatı cinayətkarın qaranlıq keçmişini ifşa edə bildik. Yazılarımızda xüsusi olaraq onu vurğuladıq ki, mövcud qanunlarımızın tələblərini saya salmayan Alibek Kurbanov özü kimi mahir fırıldaqçıları özündə birləşdirən çox təhlükəli bir şəbəkəyə başçılıq edir. Bu şəbəkədə adı öndə duranlar isə, Alibekin öz törəmələridir. Hətta onlar öz çirkin əməlləri ilə atanı geridə qoymağı da bacarıblar.
Yuxarıda qeyd olunanları təsdiq edən, əvvəlki yazılarımızın birindən götürülən və şok yaradan bir misal: Bu fırıldaqçı şəbəkənin ən təhlükəli qolu paytaxt Bakının mərkəzindəki bir tibb müəssisəsində gizlənir. “Sükanı” isə Alibekın 3 soyad (Məmmədyarova, Kurbanova, Süleymanova) daşıyıcısı olan qızı Sevdanın əlindədir. Araşdırmaların son nəticəsi deyir ki, atanın bu qızı dəhşət doğuran tibbi saxtakarlıqlarla məşğuldur. Podoloq maskası altında ailələrin qəniminə çevrilib. Atası tərəfindən xüsusi manipulyasiya üsulları ilə yetişdirilən “vərəsə” kimi bu gün insanların həm sağlamlığını, həm də ailə büdcələrini hədəfə alıb.

Xatırladaq ki, bu şəxs paytaxtdakı Məmməd Araz küçəsi, 47 ünvanında yerləşən “Pediatriya — 2” klinikasında sadəcə qeydiyyatçı kimi rəsmiləşib. Amma stomatologiya şöbəsində, həkimlərin arasında özünə qanunsuz “podoloq” otağı düzəldə bilib. Konkret desək, Kurbanovlar klanındakı bu şəxs də haram pul xatirinə çoxsaylı maliyyə fırıldaqlarından tutmuş, “tibbi terrora” qədər hər cür iyrəncliyə əl atıb. Baxmayaraq ki, ali tibbi təhsili olmadan insanların sağlamlığı ilə oynayan, eyni zamanda, onların ailə sirlərinə bələd olub, həyatlarını məhv edən belə birisinin fəaliyyəti çoxdan ölkənin hüquq-mühafizə orqanlarının diqqətində olmalıydı.
Bu yazımız başqa mövzudadır deyə, uzunçuluq edib oxucularımızın qiymətli vaxtlarını almaq istəmədik və əvvəlki yazılarımızın linkini sonda onların diqqətinə çatdırmağı lazım bildik — vaxtları olanda oxumaları üçün.
Bu yerdə əsas mövzuya keçib, öncə onu qeyd etmək istəyirik ki, Alibek Kurbanovun “mənəviyyat” maskası illər öncə bir sıra media vasitəsində dərc olunan çoxsaylı yazılara, üstəlik Rusiyada yayımlanan “Pust Qovoryat” (“Пусть говорят”) və Azərbaycanda yayımlanan “Səni Axtarıram” kimi nüfuzlu televiziya verilişlərinə aid şok faktların “ağırlığı” altında da darmadağın olub. Nüfuzlu mətbuat vasitələrinin manşetində oxucuların “gözünə girən” bu əsas yazılarda onun qanunsuz əməlləri barəsində nələr deyilməyib?!

Həmin yazıların bir-neçəsinin linkini diqqətinizə çatdırırıq:

https://qafqazinfo.az/news/detail/abbas-abbasov-marinanin-usaqlarini-azerbaycanli-atasindan-geri-aldi-foto-66116;

https://musavat.com/news/abbas-abbasov-aldadilmis-rus-qadinin-usaqlarini-qaytarilmasina-komek-edib_176112.html;

https://oxu.az/ru/obshestvo/ocherednaya-antiazerbaydzhanskaya-propaganda-v-efire-pervogo-kanala-video;

https://mia.az/w100947/abbas-abbasov-2-ushagi-anasina-qaytardi;

https://haqqin.az/news/14655;

https://1news.az/news/20131226020350844-Istoriya-azerbaidzhantsa-i-rossiyanki-rasskazannaya-v-efire-programmy-Andreya-Malakhova-Pust-govoryat-zakonchilas-kheppi-endom;

https://aze.az/news_marina_bezzubova_osobaya_100518.html;

https://www.aznews.az/news/cemiyyet/45021.html;

https://1news.az/news/20131029101209413-Geroinya-peredachi-Pust-govoryat-Moi-muzh-Alibek-uvez-menya-v-Baku-gde-ego-pervaya-zhena-predlozhila-nam-byt-vtroem-VIDEO;

https://saransk.bezformata.com/listnews/astahov-pomog-urozhenke-mordovii/16604803/;

https://vk.com/wall-38801259_4687;

https://saransk.bezformata.com/listnews/mersi-baku/15371071/)

Lakin barəsində indiyədək qanun çərçivəsində ölçü götürülməyib. Buna səbəb kimi isə o göstərilir ki, guya, bu qatı cinayətkarı yaxını olan nüfuz sahibi bir general hər cür təhlükədən qoruya bilir.
Bir sözlə, deyilən deyilir, yazılan yazılır, amma… Bizsə, 2013-cü ildə ölkənin bir sıra nüfuzlu mətbuat orqanlarında Alibek Kurbanovun iyrənc əməlləri barəsində dərc olunan yazıların linkini dəyərli oxucularımızın diqqətinə çatdırırıq — Artıq nəticəsini özlərinin çıxarmalarının vaxtı çatdığına görə.
Bir daha qeyd edirik ki, Alibek Kurbanovun qurduğu cinayət ssenarili oyunlar bu gün də təkrar olunur. Yenə onun davranışlarında eyni manipulyasiya üsulları, eyni ittiham formaları və ailədaxili qarşıdurmanı qızışdırmağa yönəlmiş planlı yanaşma hökm sürür. Yəni, bu, təsadüfi deyil, illərlə davam edən, ailələri öz təsirinə salmaq və zəiflətmək məqsədilə istifadə edilən manipulyativ modeldir. Bax, maddi ovçuluq, üstəlik, kurbanovların şöhrət hərisliyi budur.
(Arazpress.com)

Aygün Əliyevanın “Üfüq”də görünən vəkilliyi - Adı başqa, içi başqa QHT layihələri/

Admin — Sun, 29 Mar 2026 16:53:20 +0400

QHT sektorunda dövlət vəsaitlərinin necə xərcləndiyi ilə bağlı daha geniş və sistemli suallar doğuran bir nümunə...

Yenixeberorg.com: QHT-lərə Dövlət Dəstəyi Agentliyinin 2025-ci il üzrə qrant müsabiqələrinin nəticələrini və layihələrin icrasını təhlil etdikcə daha ciddi və narahatedici mənzərə ortaya çıxır. Kağız üzərində sosial problemlərin həlli üçün ayrılan vəsaitlər praktikada ya formal tədbirlərə çevrilir, ya da layihənin adı ilə icra olunan fəaliyyətlər arasında açıq uyğunsuzluq yaranır. Təəssüf ki, bu artıq tək-tük hal deyil. Bir neçə layihənin təhlili göstərir ki, layihənin təqdimat mərhələsində yazılan məqsəd və vəzifələrlə real fəaliyyət arasında ciddi fərqlər var. Daha təhlükəlisi isə odur ki, bu uyğunsuzluqlar donor qurum tərəfindən ya görülmür, ya da görməzliyə vurulur(?)

Görünür tapşırıq böyük yerdən olur.

2025-ci ildə maliyyələşdirilmiş layihələrdən biri də “Üfüq” Xeyriyyə Cəmiyyətinin həyata keçirdiyi “Bullinqə məruz qalan məktəblilər arasında ictimai vəkillik” adlı layihədir. Layihənin adı ilk baxışdan çox həssas və vacib sosial problemə yönəldiyini göstərir. Məktəblərdə bullinqə məruz qalan uşaqlarla işləmək, onların hüquqlarını müdafiə etmək və bu istiqamətdə ictimai vəkillik aparmaq olduqca ciddi, həssas və peşəkar yanaşma tələb edən sahədir. Bu cür layihələrdə uşaqların məxfiliyi, psixoloji vəziyyəti və təhlükəsizliyi əsas prioritetlərdən biri olmalıdır.

Lakin layihə barədə ictimaiyyətə açıqlanan cəmi iki media məlumatı və Yenixeber.org-a ötürülən faktlar göstərir ki, layihənin adı ilə faktiki icrası arasında ciddi uyğunsuzluq var....

Birinci, açıqlamada tədbirin Bakı şəhərində yerləşən 83 saylı məktəb-liseydə keçirildiyi və əsas iştirakçıların valideynlər olduğu qeyd olunur. Təlimdə bullinq haqqında ümumi məlumat verildiyi, valideynlər arasında müzakirələr və rol oyunları keçirildiyi bildirilir. Daha sonra psixoloq tərəfindən “Kaktus” terapiyasında çəkilmiş rəsmlərin izahı aparıldığı qeyd edilir.

Burada ilk sual ortaya çıxır: əgər layihə “bullinqə məruz qalan məktəblilər arasında ictimai vəkillik” adlanırsa, niyə əsas fəaliyyət valideynlər üçün keçirilən maarifləndirici təlimlə məhdudlaşır? Bu, mahiyyət etibarilə sadə maarifləndirmə tədbiridir və ictimai vəkillik fəaliyyəti ilə ciddi şəkildə fərqlənir. İctimai vəkillik dedikdə sistemli problemlərin qaldırılması, qərarverici qurumlara təsir, siyasət və ya qaydalarda dəyişiklik təşəbbüsləri nəzərdə tutulur. Verilən məlumatlarda isə belə bir fəaliyyətin izinə belə rast gəlinmir.

İkinci açıqlama isə vəziyyəti daha da problemli göstərir. Xırdalan şəhərində yerləşən 1 saylı məktəbdə keçirilən tədbirdə 25-dən çox məktəblinin iştirak etdiyi, onlara bullinq barədə məlumat verildiyi və praktiki oyunlar keçirildiyi bildirilir. Daha sonra psixoloq tərəfindən “Kaktus” modeli adlı qrup terapiyası keçirildiyi qeyd olunur və sosial işçi ilə hüquqşünas tərəfindən 15 məktəblinin sosial və hüquqi qiymətləndirilməsinin aparıldığı bildirilir.

Əgər layihə doğrudan da bullinqə məruz qalan uşaqlarla işləməyi nəzərdə tutursa, burada çox ciddi etik və hüquqi suallar yaranır. Bullinq qurbanları ilə işləyən layihələrdə uşaqların şəxsiyyəti, məktəbi, hətta çox vaxt onların iştirak faktı belə məxfi saxlanılır. Çünki belə məlumatların açıq şəkildə paylaşılması uşağın məktəb mühitində daha böyük təzyiq və stiqmatizasiya ilə üzləşməsinə səbəb ola bilər. Lakin layihə barədə yayılan məlumatlarda tədbirin keçirildiyi məktəbin adı açıq göstərilir, iştirak edən uşaqların fotoları paylaşılır. Bu isə uşaqların məxfiliyinin qorunması baxımından ciddi problemlər yaradır.

Daha bir ciddi məqam “sosial və hüquqi qiymətləndirmə” məsələsidir. Media məlumatında bildirilir ki, sosial işçi və hüquqşünas tərəfindən 15 məktəblinin sosial və hüquqi qiymətləndirilməsi aparılıb.

Burada sual yaranır: bu qiymətləndirmə hansı metodologiya əsasında aparılıb? Valideynlərin yazılı razılığı varmı? Məktəb rəhbərliyi və ya müvafiq dövlət qurumlarının iştirakı təmin olunubmu? Uşaqların hüquqi və psixoloji vəziyyətinin qiymətləndirilməsi çox ciddi peşəkar standartlar tələb edən prosesdir və bunu sadə bir layihə tədbiri çərçivəsində formal şəkildə həyata keçirmək ciddi məsuliyyət yarada bilər.

Bütün bunlar göstərir ki, layihənin təqdim olunan konsepsiyası ilə real fəaliyyətlər arasında ciddi fərq var. Layihənin adı ictimai vəkillikdən bəhs edir, amma icra sadə maarifləndirmə təlimlərindən ibarət görünür. Hətta bu təlimlərin də bullinq qurbanlarının məxfiliyini qoruyan peşəkar standartlara uyğun keçirilib-keçirilmədiyi ciddi şübhə doğurur.

Bu vəziyyət eyni zamanda QHT-lərə Dövlət Dəstəyi Agentliyinin layihələrin icrasına nəzarət mexanizmlərinin nə qədər zəif olduğunu göstərir. Layihə idarəetməsi və monitorinq sahəsində kifayət qədər təcrübəsi olmayan şəxslər belə həssas mövzular üzrə layihələrin keyfiyyətini və risklərini düzgün qiymətləndirə bilmirlər. Nəticədə isə kağız üzərində sosial problemlərin həlli üçün ayrılan dövlət vəsaitləri formal tədbirlərlə “hesabatlaşdırılır”.

Digər tərəfdən, burada QHT-nin donor qurumu faktiki olaraq yanıltması ehtimalı da görünür. Layihə təqdim olunarkən bullinq qurbanlarının hüquqlarının müdafiəsi və ictimai vəkillik kimi ciddi fəaliyyətlər vəd edilir, lakin icra mərhələsində bu fəaliyyətlər sadə seminar və təlim formatına endirilir. Bu isə layihənin məqsəd və nəticələrinin şişirdildiyini göstərir.

Məsuliyyət yalnız donor qurumun və QHT-nin üzərinə düşmür. Layihələrin məktəblərdə keçirilməsi üçün müəyyən razılıqların verildiyi də aydındır. Bu baxımdan Elm və Təhsil Nazirliyinin və yerli təhsil strukturlarının da məsuliyyəti ortaya çıxır. Məktəblərdə belə həssas mövzular üzrə fəaliyyətlərə icazə verilərkən layihənin metodologiyası, uşaqların hüquqlarının qorunması və etik standartlara uyğunluğu ciddi şəkildə qiymətləndirilməlidir.

Təəssüf ki, görünən mənzərə ondan ibarətdir ki, nə donor qurum, nə layihəni icra edən təşkilat, nə də məktəb mühiti bu prosesdə tələb olunan peşəkarlıq və məsuliyyət səviyyəsini nümayiş etdirir. Layihənin adı ilə real fəaliyyəti arasında uçurum var, uşaqların məxfiliyi isə faktiki olaraq nəzərə alınmır. Bu isə təkcə bir layihənin problemi deyil – QHT sektorunda dövlət vəsaitlərinin necə xərcləndiyi ilə bağlı daha geniş və sistemli suallar doğuran bir nümunədir.

QHT-lərə Dövlət Dəstəyi Agentliyi “Üfüq” Xeyriyyə Cəmiyyətinin bu layihəsi üçün 10 min manat vəsait ayırıb.

Qeyd edək ki, “Üfüq” Xeyriyyə Cəmiyyətinin 29 dekabr 1999-cu ildə dövlət qeydiyyatına alınıb. QHT-nin təsisçiləri Akif Əhmədov, Şəhla Əhmədova, Dilarə Vəzirova və Fuad Süleymanov olub. Təşkilatın sədri Akif Əhmədov əvvəllər Avropa Birliyinin hüquqşünası vəzifəsində çalışıb.

Hazırda təşkilatın sədri Nuriyya Abbasovadır. O, QHT-lərə Dövlət Dəstəyi Agentliyinin 2021-2025-ci illərdə Müşahidə Şurasının üzvü olmuş Günel Səfərovanın xalası qızıdır(?) (Yenixeber.org)

Qarşı tərəflərin cavab haqqını tanıyırıq.

QHT-lərə Dövlət Dəstəyi Agentliyindən Dövlət başçısının mövqeyinə sayqısızlıq-Açıq siyasi ziddiyyət.../

Admin — Sun, 29 Mar 2026 12:50:45 +0400

2021-ci il 26 fevral tarixində Azərbaycan Respublikasının Prezidenti İlham Əliyev yerli və xarici media nümayəndələri üçün keçirdiyi mətbuat konfransında post-müharibə dövrünün ideoloji çərçivəsini açıq şəkildə müəyyənləşdirdi. O, birmənalı olaraq bildirdi ki, “biz bu gün, ümumiyyətlə, Dağlıq Qarabağ ifadəsini də işlətməməliyik. Qarabağ aranlı-dağlı Azərbaycanın ayrılmaz hissəsidir”.

Yenixeberorg.com: Bu, təsadüfi deyil, siyasi mesaj idi. Bu bəyanat terminoloji korrektə yox, yeni reallığın rəsmi ifadəsi idi. Dövlət başçısı bununla həm beynəlxalq auditoriyaya, həm də daxili ictimai-siyasi mühitə aydın xətt göstərirdi: artıq köhnə münaqişə leksikonuna qayıdış yoxdur.

Prezidentin köməkçisi Hikmət Hacıyev də bu mövqeni təsdiqləyərək “Dağlıq Qarabağ münaqişəsi” ifadəsinin artıq mövcud olmadığını, Azərbaycanın öz torpaqlarını işğaldan azad etdiyini vurğuladı. Yəni siyasi xətt iki ayrı səviyyədə – həm dövlət başçısı, həm də onun rəsmi nümayəndəsi tərəfindən ifadə edildi. Bundan sonra hansısa dövlət qurumunun bu mövqeni görməməzliyə vurması üçün heç bir əsas qalmırdı.

Deputat Naqif Həmzəyev "gül vurub"

Lakin paradoks ondadır ki, 2023-cü ildə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi tərəfindən maliyyələşdirilən layihələrdən biri açıq şəkildə “Dağlıq Qarabağ” ifadəsini daşıyırdı. Deputat Naqif Həmzəyevə məxsus Dünya Azərbaycanlıları Gənclər İctimai Birliyinin “Dağlıq Qarabağ həqiqətlərinin dünya ictimaiyyətinə çatdırılması istiqamətində maarifləndirmə işi aparmaq üçün təlimçilərin yetişdirilməsi” adlı layihəsi dövlət vəsaiti hesabına icra olunub, tədbirlərdə bu ifadə bannerlərdə açıq şəkildə yer alıb və mediada da geniş tirajlanıb. Ən təəccüblüsü isə budur ki, bu açıq ziddiyyət ictimai müzakirə mövzusuna çevrilməyib.

Naqif Həmzəyev

Burada məsələ hansısa bir QHT-nin ad seçimi deyil. Məsələ dövlətin ali siyasi iradəsi ilə dövlət qurumunun əməli fəaliyyəti arasında yaranmış uyğunsuzluqdur. Əgər Prezident açıq şəkildə müəyyən ifadənin işlədilməməsini bildirirsə, ideoloji və ictimai sektorla işləyən bir qurumun həmin ifadəni daşıyan layihəni maliyyələşdirməsi nə ilə izah oluna bilər? Bu, diqqətsizlikdir? Səhlənkarlıqdır? Yoxsa siyasi mesajların ciddiyə alınmamasıdır?

Daha ciddi sual isə budur: Prezidentin səsləndirdiyi mövqe yalnız mediaya ünvanlanmış bəyanatdır, yoxsa dövlət idarəçiliyində rəhbər tutulmalı olan prinsip? Əgər rəhbər prinsipdirsə, onda QHT-lərə Dövlət Dəstəyi Agentliyinin bu addımı açıq şəkildə siyasi xəttə uyğun gəlmir. Əgər rəhbər prinsip deyilsə, bu zaman dövlət idarəçiliyində vahid ideoloji koordinasiyadan danışmaq çətinləşir.

Məsələnin davamlı xarakter alması da diqqətdən yayınmamalıdır. Bu istiqamətdə Yenixeber.org-a daxil olmuş məlumatlarda daha maraqlı faktlar yer alr: Həmin təşkilata 2024-cü ildə 7 950 manat, 2025-ci ildə isə 18 000 manat qrant ayrılması göstərir ki, bu, təsadüfi texniki səhv kimi təqdim edilə bilməz. Layihələrin adlarına, məzmununa və dövlət siyasətinə uyğunluğuna real nəzarət mexanizmi varsa, belə bir ziddiyyətin baş verməsi mümkünsüz olmalı idi. Əgər yoxdursa, bu, sistemli boşluq deməkdir.

Ən narahatedici məqam isə seçmə yanaşma ehtimalıdır. Layihələrin məzmunu deyil, QHT təsisçisinin statusu əsas götürülürsə, bu artıq idarəçilik problemdir. Dövlət vəsaiti siyasi nüfuz əsasında bölüşdürülürsə, ideoloji xətt ikinci plana keçir. Bu isə post-müharibə dövründə xüsusilə təhlükəlidir. Çünki terminologiya indi sadəcə söz oyunu deyil, suverenliyin və siyasi iradənin ifadəsidir.

Əgər ideoloji istiqamətdə fəaliyyət göstərən bir qurum ölkə başçısının açıq mövqeyini praktik fəaliyyətində nəzərə almırsa, bu, sıradan uyğunsuzluq deyil. Bu, siyasi məsuliyyət məsələsidir. Dövlət başçısının mesajını düzgün oxumayan və ya oxumaq istəməyən qurum ictimai rəyə hansı siqnalı verir? Vahid siyasi xətt varmı, yoxsa hər kəs öz bildiyi kimi hərəkət edir?

Belə hallara susmaq problemi dərinləşdirir. Çünki səssizlik yanlış presedent yaradır. Dövlət siyasətində ardıcıllıq pozularsa, bu, ilk növbədə ideoloji müstəvidə boşluq yaradar və ideoloji boşluq həmişə ən təhlükəli zəiflikdir.(Yenixeber.org)

Qarşı tərəfin cavab haqqını tanıyırıq.

“Azəraqrar”-da “ezamiyyə” Həsən kimdir? - Direktoru o idarə edir? -

Admin — Fri, 27 Mar 2026 09:09:03 +0400

“Azəraqrar Dövlət İstehsalat və Emal Birliyi”ndə baş vermiş rəhbərlik dəyişikliyindən sonra qurumda ciddi narazılıqlar yaranıb. Buna səbəb yeni direktorun işinin öhdəsindən gələ bilməməsi və bəzi şəxslərin təsiri altına düşməsidir.
Yenixeberorg.com: Bu barədə AzFakt.com-un əldə etdiyi məlumata direktor Hikmət Hüseynovu təsir dairəsinə salan şəxslərdən biri də müavini Həsən Abdullayevdir. Bu həmin Həsən Abdullayevdir ki, onun adı “Azəraqrar Dövlət İstehsalat və Emal Birliyi”ndə “ezamiyyə Həsən" kimi tanınır. Belə ki, keçmiş direktor Fəda Abbasovun vaxtında il ərazində müxtəlif rayonlara verilən ezamiyyət göndərişinin 90 faizi Həsən Abdullayevin adına yazılıb. Fəda Abbasovu işdən çıxartdırdığını və nazir Məcnun Məmmədova yaxın olduğunu tez-tez ətrafına deyən Həsən Abdullayevin bu vastə ilə direktor Hikmət Hüseynovu təsiri altında saxladığı bildirilir.
Məlumata görə direktor Hikmət Hüseynovun təsir altına alınmasında Həsən Abdullayevin ortağı Fəxrəddin Qəhrəmanovdur. Nazir Məcnun Məmmədovun hərbi xidmətdə komandiri olmuş Fəxrəddin Qəhrəmanovun hal-hazırda Həsən Abdullyevlə müxtəlif iş birliklərinin olduğu iddia edilir.