Tez-tez ölkədə məmurların milyonluq villaları ortaya çıxır. Bu dəfə də daha bir yüksək vəzifəli şəxsin dəbdəbəli villasının görüntüləri yayılıb.

Yenixeber.org: Əldə etdiyimiz xəbərə görə, Təshil nazirinin müavini Muxtar Məmmədov özünə Şüvəlan Qəsəbəsində 3 mərtəbəli villa tikdirib.

Geniş həyətyanı sahəyə sahib olan villada yaşayışın olmadığı görünür. Bu da onu göstərir ki, nazir müavinin bu villaya da ehtiyacı yoxdur. Əldə etdiyimiz məlumata görə, Muxtar Məmmədovun bundan başqa da mülkləri mövcuddur.

Qeyd edək ki,  Muxtar Məmmədov 2005-2013-cü illərdə Xarici İşlər Nazirliyində çalışıb və ikinci katib vəzifəsinədək yüksəlib.

2013-cü ildən isə Təhsil Nazirliyində çalışır. Nazirliyin Beynəlxalq əməkdaşlıq şöbəsində sektor müdiri, müdir müavini və şöbə müdiri vəzifələrində çalışıb. 2018-ci ilin yanvar ayından isə Aparat rəhbəri vəzifəsini müvəqqəti icra edirdi.  Hazırda o, Təhsil nazirinin müavini vəzifəsini icra edir. Prezident İlham Əliyevin “Dövlət qulluqçularının təltif edilməsi haqqında” sərəncamı ilə dövlət qulluğunda səmərəli fəaliyyətlərinə görə təltif olunub.

Yaxın vaxtlarda daha daha ətraflı məlumat təqdim edəcəyik.(faktmedia.az)

Bəsti Məmməd