Redaktor seçimi
“Kitab döyüşü”: İran necə tələyə düşdü-
Ülvi Quliyevin DÖVLƏTƏ ŞƏRİK MİLYONLARI... - "Daha əvvəlki vaxt deyil..."/
Səfər Mehdiyevin Avstriya və Sloveniyada milyonluq otelləri aşkarlandı —
Qumla London arasındakı Bakı- 
"Sumqayıt-Sərnişin" ASC-də  gəlir hara gedir?!-
Anar Kərimovun nazirlikdəki “Kurtlar vadisi” – Korrupsiyada ittiham edilən, 40 yaşında rejissor olan, “kseroks” aparatı işlədən –
Abel Məhərrəmovun biznes imperiyası və xanımlara milyonluq hədiyyələri-
Ərdoğanın Putin "kartı"-
Günün xəbəri

Əvəz Qocayev vəzifədə necə “qazi” oldu? – Bir məmurun müəmmalı döyüş yolu və biznesi…./ARAŞDIRMA

Əvəz Qocayev vəzifədə necə “qazi” oldu? – Bir məmurun müəmmalı döyüş yolu və biznesi….

Azərbaycan Avtomobil Yolları Dövlət Agentliyinin İdarə Heyətinin Sədr müavini Əvəz Qocayev demə, ölkənin ərazi bütövlüyü uğrunda döyüş əməliyyatlarda iştirak edib və müharibə veteranı adı verilib. 

Yenixeber.org: Bu haqda onun vikipedik məlumatında qeyd olunub.

Amma daha artıq informasiya verilməyib. Əvəz Qocayevin hansı illərdə döyüşdüyü, konkret hansı ərazilərdə gedən müharibədə iştirak etdiyi bilinmir.

Eyni zamanda ona müharibə veteranı adı kim, yaxud hansı qurum tərəfindən verildiyi açıqlanmır. Belə təəssürat yaranır ki, nə dövlət tərəfindən veteranlıq statusu alıb, nə də hansı ərazilərdə döyüşdüyü bəllidir.

Bioqrafiyasında onun 1986-1993-cü illərdə Bakı şəhəri, Binəqədi rayonu 102 saylı Mənzil İstismar İdarəsində rəis, 1993-cü ildə Müdafiə Nazirliyinin Mənzil şöbəsində təftiş-mühasib, 1993-1999-cu illərdə Binəqədi rayonu İcra Hakimiyyətinin Tikinti və abadlıq işləri üzrə müavin işlədiyi qeyd edilib. Bəs Ə.Qocayev nə zaman Qarabağda döyüşüb? O cümlədən 44 günlük Vətən müharibəsində də aydın məsələdir ki, iştirakı olmayıb. Bəs vikipedik informasiyada, həmçinin AAYDA-nın rəsmi saytında onun döyüşlərin iştirakçısı olması niyə yazılıb? Bu saxtakarlıqdır, yoxsa dövləti aldatmaqdır?

Bu müəmmalı döyüş yolu, veteranlıqdan fərqli olaraq, Ə.Qocayevin böyük sərvətlərə malik məmur olması heç kəsə sirr deyil. Onun villalarının, restoranlarının, fermalarının, biznes xarakterli digər daşınmaz əmlaklarının olduğu deyilir. Bu sərvətin isə həddi-hüdudu yoxdur. Axı bir məmur hansı miqyasda korrupsiya ilə məşğul ola bilər ki, bu qədər var-dövlətə sahiblənsin? Hətta Avropada hansısa məmurun korrupsiya faktı üzə çıxanda 1-2 restoranı olduğu bilinir. Ə.Qocayev isə istər “Azəryolservis”, istərsə AAYDA rəhbərliyində təmsil olunduğu dövrdə milyonlar qazanıb. Hər halda onu silkələsələr, dövlət tərəfindən müsadirə olunsa, Qarabağda quruculuq işlərinə kifayət qədər vəsait əldə etmək olar. Yəqin ki, özü də bir veteran kimi vətən üçün çəkilən xərclərdə payının olmasına etiraz etməz.

Mediada yayılmış xəbərlərə görə, Ə.Qocayevin “Ocaq” ailəvi restoran ( Binəqədi, Digah yol kəsişməsi 4) Yasamal, Xətai, Səbail rayonlarında “Ocaq” (restoran, kafe, art) şəbəkəsi, Tovuz rayonu Əyyublu kəndində böyük ferma, artezian quyuları var. Həmçinin, “Port Baku”nun üstündə sahəsi 130 kv.m olan 3 otaqlı mənzil, “NN” Gözəllik salonları şəbəkəsi (şəhərin müxtəlif yerlərində- qızı Xatirə Qocayeva idarə edir, H.Əliyev küçəsində “Real” MTK-də 380 kv.m olan ofis (ASAN xidmətin arxası), Binəqədi rayonu Cəfər Xəndan küçəsi 28, mənzil 23 ünvanında sahəsi 155 kv.m olan 4 otaqlı mənzil, özəl və dövlət banklarında xanımı Tamella Qocayevanın adına 10 milyon manat depozit ( arvadının və ayrı-ayrı şəxslərin adına rəsmiləşdirilmiş, təkcə bu depozitlərdən 12 faizlə aylıq faiz gəlir təxminən 200 min manat) var. Eyni zamanda, “Varovski”da 3 mərtəbə villa, Novxanıda ayrı-ayrılıqda 3 villa, “Star-M” MTK-da ümumi sahəsi 320 kv.m olan 7 otaqlı iki mənzil, “REAL” MTK-da 4 otaqlı sahəsi 185 kv.m olan mənzil, “Port Baku”da 150 kv m daha bir mənzil, Binəqədi rayonunda böyük torpaq sahələri, Moskvada mənzil, Türkiyədə məşhur Leventdə mənzil, Şüvəlanda villa, özünə və ailəsinə məxsus “Rang Rover”, “Audi Q7”, “Sklass Mercedes”,” Porche”, “BMW” markalı bahalı avtomobillər var. Bu da azmış kimi, Tovuz rayonunun özündə və Əyyublu kəndində tikinti materialları mağazası, Dərnəgüldə tikinti materialları mağazası var.(tia.az)


Facebook-da paylaş

Yeni xəbərlər

Reklam

Reklam