AZ
RU
"Fars körfəzində yeni müharibə alovlana bilər!" –Almaniya XİN başçısı
Almaniyanın xarici işlər naziri Ziqmar Qabriel Səudiyyə Ərəbistanı və müttəfiqlərinin Qətərlə münaqişəsinin Fars körfəzində yeni müharibəyə gətirib çıxaracağından ehtiyatlanır.
Yenixeber.org: «Frankfurter Allgemeine Sonntagszeitung» nəşrinin yazdığına görə, alman diplomat ötən həftə Səudiyyə Ərəbistanı, Qətər və Türkiyənin xarici işlər nazirləri ilə görüşüb. O, həm də İran və Küveytli həmkarları ilə telefon danışığı aparıb.
Qabriel qeyd edib ki, neqativ ssenaridən tamamilə qaçmaq mümkündür, ancaq bunun üçün həll variantını danışıqlar yolu ilə axtarmaq lazımdır.
«Mən, bu həftə apardığım məsləhətləşmələdən sonra anladım ki, vəziyyət nə qədər ciddidir…» – Qabriel əlavə edib.
Bununla bərabər, Almaniya Federativ Respublikasının Xarici İşlər Nazirliyi (AFR XİN) Amerika Birləşmiş Ştatlarının (ABŞ) dövlət katibi Reks Tillersonun mövqeyini «ağıllı və düşünülmüş» adlandırıb. Tillerson Qətərin blokadasını dayandırmağa çağırıb.
.jpg)
