SON DƏQİQƏ: Siyanfər Əliyev Abşerona icra başçısı GƏTİRİLİR - Bələdiyyə sədrinin yaxınından İLGİNC İDDİA
Adı bir çox qalmaqallarda hallanan Masazır bələdiyyəsinin sədri Siyanfər Əliyev icra başçısı olur.
Yenixeber.org: Bu barədə redaksiyamıza bələdiyyə sədrinin yaxınlarından biri məlumat sızdırıb.
Bildirilib ki, Masazır bələdiyyəsinin sədri bu dəfə seçkilərə qatılmayacaq. Səbəb isə yaxın aylarda onun Abşeron rayonuna icra başçısı gətirilməsidir. Siyanfər Əliyev necə icra başçısı ola bilər sualına isə, mənbə belə cavab verdi. "Sədrin yuxarıda olan dostu artıq bütün hesabları həll edib. Yaxın vaxtlarda siz də buna şahid olacaqsız...".
Gələn xəbərlərdə o da bildirilir ki, Siyanfər Əliyev yeni vəzifəsi ilə əlaqədər günlərdir dost, tanışlarına qonaqlıq verib, məclislər qurur.
Xatırladaq ki, bir müddət öncə S. Əliyevin adı MTN qalmaqalında hallansa da özünü sığortalaya bilmişdir. Baxmayaraq ki, Akif Çovdarovla qardaşlıq edən bələdiyyə sədri sonradan "ağsaqqalını" belə gələcəyinə qurban vermişdi.
Məlumatın həqiqətə uyğun olub-olmadığını S. Əliyevdən öyrənmək istəsək də "bu nömrəyə zəng çatmır" cavabını aldıq.
Qarşı tərəfidə dinləməyə hazırıq.(ixa.az)