AZ
RU
.png)
Şirkətdə kütləvi ixtisar
Ölkənin aparıcı sement zavodlarından olan "HOLCİM" Azərbaycan şirkətinin ciddi maliyyə problemləri olması ilə bağlı Aktual.az-a ilginc məlumat daxil olub.
"Xeberinfo.com": Zavodda çalışan işçilərdən birinin Aktual.az-a verdiyi xəbərə görə, artıq onlara yanvar ayından etibarən işdən azad olunmaları ilə bağlı xəbərdarlıq olunub.
İddia olunur ki, zavod bu addımı yeni istifadəyə verilən "NORM" sement zavodu ilə rəqabətə davam gətirə bilmədiyi üçün atır.
Təxminən 70 nəfər işçi gələn aydan etibarən işdən azad olunacaq.
Qeyd edək ki, hazırda dükanlarda "Qaradağ" sement zavodunun istehsalı olan "HOLCİM" sementinin bir kisəsi 5,50 AZN, "NORM" sement isə 6 manata satılır.
Məsələ ilə bağlı "HOLCİM" (Azərbaycan) ASC ilə əlaqə saxladıq. Özünü şirkətin administratorun köməkçisi kimi təqdim edən Şəhla adlı xanım əməkdaş müxbirimizə bildirdi ki, rəhbərlik hazırda ofisdə yoxdur. Kadrlar şöbəsi ilə əlaqə saxladıqdan sonra dedi ki, onlarda belə bir məlumat yoxdur.
.jpg)
