Beynəlxalq tərəfdaşlarla münasibətlər təhdid üzərində qurulmur.

Yenixeber.org: Bu sözləri öz Feysbuk səhifəsində Ermənistanın Respublikaçılar Partiyasının təmsilçisi Eduard Şarmazanov paylaşıb.

“Bu, oğlanların mübahisəsi deyil ki, İrəvan Minski, Vaşinqtonu, Moskvanı barmağınla təhdid edəsən; bu, Respublika Meydanı deyil ki, insanları Milli Təhlükəsizlik Xidmətiylə qorxudub, onlara barmaq silkələyəsən. Bu, dövlətlərarası münasibətlərdir, burada hər şey diplomatik kanallarla qurulur. Cənab Paşinyan, danışmazdan əvvəl 7 dəfə düşünmək lazımdır. Ona görə ki, bu sözə görə siz yox, erməni xalqı cavab verəcək.

İş yerlərinin bağlanması bizi narahat edir. Alaverdidə 630 nəfər praktik olaraq iş yerini itirib, Amulsardakı investisiya proqramı dayandırılıb. Asfalt çəkmək, Milli Təhlükəsizlik Xidməti vasitəsiylə qorxutmaqla investisiyalar yatırılmır. Paşinyan parlamentdə deyirdi ki, onun sehirli çubuğu var. Əgər o səndə varsa, niyə təqaüdləri, maaşları qaldırıb, investisiyalar gətirmirsən? Cənab Serj Tankyan, sən gəldin, oxudun, bəs indi niyə investisiyalarını gətirmirsən? Kim sizə yatırım etməyə mane olur?” – deyə o bildirib.