AZ
RU
.png)
BDU-nun kafedra müdiri vəfat edib
Tarix elmləri doktoru, Bakı Dövlət Universiteti «Slavyan ölkələri tarixi» kafedrasının müdiri Tofiq Vəliyev bu gün vəfat edib.
"Xeberinfo.com": Məlumata görə, professor uzun zaman imiş ki, ürək ağrısından əziyyət çəkirmiş.
Tofiq Vəliyev 1934-cü ildə Ağdamda anadan olub. Mərhumla vida mərasimi bu gün saat 15:00-da Yasamal rayonu Ələkbərov küçəsi, 507-511 bina, 12-ci evdə olacaq.
Allah rəhmət eləsin!
Mərhum T.Vəliyev 1934-cü il may ayında Ağdam şəhərinin Kürdlər kəndində müəllim ailəsində anadan olub. 1948 – 1951- ci illərdə Ağdam Pedaqoji texnikumunda təhsil alıb.
1951 – 1952-ci tədris ilində Yevlax rayonunun Qoyunbinəsi kəndində müəllim işləyib.
1953 – 1958-ci illərdə Bakı Dövlət Universitetinin Tarix fakültəsində oxuyub, təhsilini başa vurduqdan sonra təyinatla AMEA Tarix institutuna göndərilib.
1960 - 1963 –cü illərdə İnstitutun əyani aspiranturasında təhsil alıb.
1966-cı ildə «XX əsrin əvvəllərində Azərbaycanın ipək emalı sənayesi» mövzusunda namizədlik dissertasiyasını müdafiə edib.
1986-cı ildə «XX əsrin əvvəllərində Azərbaycanın sənayesi və proletariatı» mövzusunda isə doktorluq dissertasiyası müdafiə edib.
1990-cı ildə müsabiqə yolu ilə BDU-nun Tarix fakültəsinə professor vəzifəsinə keçib.
1993-cü ildən bu günədək fakültənin «Slavyan ölkələri tarixi» kafedrasının müdiri vəzifəsində işləyib.
.jpg)
