Redaktor seçimi
Yanğın... Mesaj... Sual...-
RUSİYA DOLLARIN BUXOVUNDA! –
     1109 SAYLI MƏHKUM-
Qorxmaz Hüseynova və qardaşına
Məktəb direktoruna korrupsiya ittihamı-
Qarabağ veteranı, qocaman müəllim prezidentdən kömək istəyir: 
Qorxmaz Hüseynova və qardaşına ŞOK ittihamlar:
“Azərsu”dan mətbu sayqısızlıq nümunəsi, yoxsa...?-
Günün xəbəri

17 Avropa ölkəsindən 100 tələbə Azərbaycana gəlib -FOTOLAR

17 Avropa ölkəsindən 100 tələbə Azərbaycana gəlib - FOTOLAR
Dövlət Miqrasiya Xidmətinin (DMX) inzibati binasında “Beynəlxalq Yay Hüquq Məktəbi”nin açılış mərasimi keçirilib.

Dövlət Miqrasiya Xidmətindən verilən məlumata görə, yay məktəbində 17 Avropa ölkəsindən olan 100 xarici hüquq tələbəsi iştirak edir.
Yenixeber.org: Açılış mərasimində çıxış edən Dövlət Miqrasiya Xidmətinin rəisi Vüsal Hüseynov“Beynəlxalq Yay Hüquq Məktəbi”nin açılışı münasibətilə iştirakçıları təbrik edib və açılış mərasiminin DMX-də keçirilməsinə görə məmnun olduğunu bildirib. Avropalı tələbələrin bu səfərinin ümumilikdə ölkəmiz haqqında, Azərbaycan mədəniyyəti barədə ətraflı məlumat almaq baxımından da yaxşı imkan olduğunu deyib. İştirakçıların Azərbaycanda təşkil edilmiş yay məktəbindən razı qalacaqlarına inandığını bildirib. Bu platformanın əhəmiyyətini vurğulayıb və artıq 4-cü dəfə Bakı şəhərində təşkil edilən layihənin səmərəsindən bəhs edib.



V.Hüseynov açılış mərasiminin mövzusu olan “Azərbaycanın açıq hökumət modeli: Miqrasiya sahəsində şəffaflıq və açıq hökumət prinsipləri”nin fəlsəfəsi, hüquqi bazası, praktik əhəmiyyəti barədə iştirakçılara ətraflı məlumat verib. Açıq hökumətin prinsiplərinə və qanunvericiliyə uyğun olaraq DMX tərəfindən ölkəmizə gələn əcnəbilər üçün miqrasiya ilə bağlı prosedurların sadələşdirilməsi məqsədilə görülən işləri diqqətə çatdırıb. İstər turist kimi, istərsə də işgüzar səfərə getmək istəyən şəxsin ilk olaraq maraqlandığı məsələlərdən biri də təyinat ölkənin miqrasiya qaydaları olur deyən Xidmət rəisi ölkəmizdə miqrasiya xidmətlərinə rahat çıxış əldə etmək imkanlarını təmin etmək üçün həyata keçirilən islahatlar və tətbiq edilən son yeniliklərdən söhbət açıb.



Avropa Hüquqşünas Tələbələr Assosiasiyası”nın Azərbaycan nümayəndəliyi - ELSAAzərbaycanın vitse-prezidenti Çinarə Qasımova bildirib ki, Avropanın 42 ölkəsində fəaliyyət göstərən ELSA beynəlxalq təşkilatı 230 universitetdə təhsil alan 40 mindən çox hüquqşünas tələbəni və gənc hüquqşünası sıralarında birləşdirir. Təşkilatın məqsədi Avropada gənc hüquqşünas tələbələr arasında təhsil-mübadilə imkanlarının genişləndirilməsinə, cəmiyyətin inkişafında onların fəal iştirakının təşviq edilməsinə, nəzəri biliklərinin praktiki tətbiqinə nail olmaqdır. Azərbaycan 2010-cu ildə ELSA beynəlxalq təşkilatına üzv olub. Təşkilatın dəstəyi ilə azərbaycanlı hüquqşünas tələbələr xaricdə təcrübə keçiblər.



Sonra Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin aparat rəhbəri Azad Cəfərli “ASAN xidmət” modeli haqqında ətraflı təqdimatla çıxış edib. “ASAN Viza”nın verdiyi imkanlardan, yaratdığı məmnunluqdan danışıb.

DMX-nin Beynəlxalq əməkdaşlıq idarəsi rəisinin müavini Ülvi Əliyev Azərbaycanda miqrasiya idarəçiliyinə dair təqdimat edib.

Açılış mərasimində tədbir iştirakçılarını maraqlandıran suallar cavablandırılıb.
шаблоны для dle 11.2

Xəbər lenti

Reklam

Sorğu

    
     

    Saytımızı bəyəndiniz?