Redaktor seçimi
“Sipark İnşaat” ATV-yə 14 min
Göygölün icra başçısı Arif Seyidovun oğlunun dəbdəbəli həyatı-
Avtomobil yollarına sərf edilən milyardlar:
Abid Şərifovun Avropadaki biznesi –
Zakir Fərəcovun müavini Teymur Səmədova ŞOK ittihamlar-
Deputat Əsabil Qasımov Rusiyada daha bir sanatoriya alıb –
Türkəçarə ilə müalicə, yoxsa travmadan travmaya-
Pediatr icra başçısı, MTN məhbusu olan müavin: İradə – Fuad cütlüyünün Abşeron əməlləri-
Günün xəbəri

"Beləcə, “Unibank” öz müştərisini itirmiş oldu..." - GİLEY

"Beləcə, “Unibank” öz müştərisini itirmiş oldu..."


Bazar ertəsi – 9 sentyabr tarixində Nailə Məmmədli adlı oxucumuz “Unibank”ın “Əhmədli” metrostansiya yaxınlığındakı filialında üzləşdiyi xoşagəlməz halla bağlı redaksiyamıza şikayət ünvanlayıb. Şikayətdə deyilir:

Yenixeber.org:   “Şənbə günü olduğu üçün tələsik başqa şəhərə pul göndərmək istəyirdim. Evdə azyaşlı uşaq qoyub gəlmişdim. Növbəm üçün çek götürdüm. Oturub gözlədim. Digər müştərilər kimi. Amma müştəri xidmətləri yalnız çekin üzərində “K” hərfi olanları çağırırdı. Başa düşmədim səbəbini. Özüm Kiyevdə yaşayıram deyə, burdakı bankların “qanun-qaydaları”ndan xəbərsizəm. Sonra yanımda oturanlardan soruşdum ki, niyə təkcə “K” hərfi olanları çağırırlar, “P” hərfi olanlar isə fağır-fağır gözləyir? Dedilər ki, onlar kredit götürən və ya ödəyən müştərilərdir. Anladım ki, “Unibank” müştərilər arasında fərq qoyur. Dünyanın heç bir yerində belə ayrıseçkilik yoxdur, yalnız Azərbaycandadır. Başa düşürəm, növbəyə durmaq normal haldır, amma “Unibank” növbəyə dayananları nəzərə almır. Onlar öz vaxtlarını, sərfiyyatı dəyərləndirirlər, müştərininkini isə yox.

Bir sözlə, bir neçə saat gözlədim, axırda gördüm yalnız “K” hərfi olanlar növbədənkənar qəbul edilir. Səs-küy salmaqdan başqa çarəm qalmadı ki, bu nə haqsızlıqdır? Hansı qanunda yazılıb ki, növbəsiz müştərilər növbədənkənar qəbul edilsin?

Şənbə günü yalnız kredit götürən və ya ödəyən müştərilərini qəbul edəcəklərsə, bunu elə yazıb yapışdırsınlar hər yerə. Biz də öz işimizi bilək. İncitməsinlər camaatı. Hamının öz vacib iş-gücü var.

Rəhbərliyin də çox güman ki, mənə qarşı edilən haqsızlıqdan xəbəri oldu. Çünki mən orda səssiz qala bilməzdim.

Sonra məni qəbul etmək istəsələr də, bu dəfə mən narazılıq etdim və yaxınlıqdakı “Expressbank”a gedib işimi həll etdim. Beləcə, “Unibank” öz müştərisini itirmiş oldu...”

Müştərinin şikayəti əsasında “Unibank”la əlaqə saxladıq. Sorğumuzla bağlı cavab iki gündən gəldi:

““Unibank”ın şənbə rejimində işləyən filiallar şənbə günləri səhər saat 10.00-dan 14.00-dək müştərilərə xidmət edir. Şənbə günləri də həftəiçi olduğu kimi bütün bank xidmətləri- kredit verilməsi, depozit qəbulu, pul köçürmələri, valyutadəyişmə və digər bank xidmətləri müştərilərə təqdim olunur. Müştərilərə xidmət növbəlilik əsasında- Qmatic aparatından müştərilərin götürdüyü növbə ardıcıllığı ilə aparılır. Növbəlilik sistemlə tənzimləndiyindən, hər müştəriyə hansı bank xidməti üçün müraciət etməsindən asılı olmayaraq, növbəsi ekranda çıxdığı anda xidmət edilir və ondan əvvəlki müştərinin önə keçməsi mümkün deyil. Şənbə günləri əksər müəssisələr üçün qeyri-iş günü olduğundan, müştərilərin filiallarımıza müraciəti zamanı bəzi filiallarda müştəri sayının həftəiçi ilə müqayisədə çoxluğu mümkün ola bilər. Unibank olaraq çox təəssüf edirik ki, müştərimizdə yalnız kredit müraciətinə baxılması ilə bağlı belə yanlış rəy formalaşıb. Bankımıza müraciət edən hər bir müştəri bizim üçün dəyərlidir. Hədəfimiz hər bir müştərimizi yüksək bank xidmətləri ilə təmin etmək, müştəri məmnuniyyətinə nail olmaqdır”.

Nailə Məmmədli isə şikayəti ilə bağlı iddialıdır:

“Şükür Allaha, kameralar var, açıb baxsınlar. Senytabrın 7-si, 11:00-12:00 radələri. Onda rəhbərlik də biləcək ki, işçiləri müştəriləri necə incidir. Mən artıq Kiyevdəyəm. Yaxşı ki, bu cür bank sistemi burda yoxdur. “Unbank”ın müştərilərinə isə səbr və hövsələ arzulayıram”. (Moderator)

шаблоны для dle 11.2

Xəbər lenti

Reklam


Sorğu

    
     

    "Yeni xəbər" qəzetini bəyənirsinizmi?