Redaktor seçimi
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Niyazi Bayramov Baş Prokurorluğa meydan oxuyur və yaxud öz əməllərinə kimi qurban edəcək -
TALEH BƏŞİROV “PAT” VƏZİYYƏTİNDƏ: yediyini nə uda, nə də qaytara bilir -
London Məhkəməsi Ülvi Quliyevi də təftiş edir -
Günün xəbəri

Vəkillərə güzəştli tibbi xidmətlər göstəriləcək

    

Vəkillərə güzəştli tibbi xidmətlər göstəriləcək
Vəkillər Kollegiyası ilə Mərkəzi Klinika, Xüsusi Müalicə Sağlamlıq Kompleksi və Gəncə Müalicə Diaqnostika Mərkəzi arasında əməkdaşlıq haqqında sazişlər imzalanıb.
Yenixeber.org: Vəkillər Kollegiyasından  verilən məlumata görə, imzalanma mərasimində Vəkillər Kollegiyasının sədri Anar Bağırov, sədr müavinləri Aydın Axundov və Pərviz Ələkbərov, Vəkillər Kollegiyasının üzvü Ramin Rzayev iştirak ediblər.

Qonaqları salamlayan Mərkəzi Klinikanın baş direktoru İxtiyar Sultanov Mərkəzi Klinikanın Sağlamlıq qurumlarında (Ambulatoriya, Xəstəxana və Stomatologiya), eləcə də birgə fəaliyyət göstərdikləri Gəncə Müalicə Diaqnostika Mərkəzi və Xüsusi Müalicə Sağlamlıq Kompleksində göstərilən tibbi xidmətlər, Vəkillər Kollegiyasının üzvlərinə güzəştli xidmətlərin göstərilməsi və digər məsələlər barədə fikirlərini bölüşüb. Keçirilən görüşdə paytaxt və yaxını regionlarda fəaliyyət göstərən Vəkillər Kollegiyası üzvlərinə Bakı şəhərində yerləşən Sağlamlıq qurumlarında (Mərkəzi Klinika Ambulatoriya, Mərkəzi Klinika Xəstəxana, Mərkəzi Klinika Stomatologiya, Xüsusi Müalicə Sağlamlıq Kompleksi), Gəncə şəhəri və yaxını regionlarda fəaliyyət göstərən Vəkillər Kollegiyası üzvlərinə isə Gəncə şəhərində yerləşən müasir texnologiyalarla təchiz olunmuş Gəncə Müalicə Diaqnostika Mərkəzində müvafiq tibbi xidmətlərin göstərilməsi barədə müzakirələr aparılıb və müvafiq razılıq əldə olunub.

Daha sonra Mərkəzi Klinika, Xüsusi Müalicə Sağlamlıq Kompleksi və Gəncə Müalicə Diaqnostika Mərkəzi ilə Azərbaycan Respublikasının Vəkillər Kollegiyası arasında əməkdaşlıq haqqında sazişlər imzalanıb.

Əldə olunmuş razılığa əsasən, həmin çox profilli tibb müəssisələrində Vəkillər Kollegiyasının üzvləri və onların ailə üzvlərinə 10 faiz güzəştlə yüksək keyfiyyətli və peşəkar tibbi xidmət göstəriləcək. Tibbi xidmət üçün müraciət edən və qeyd olunan güzəştdən faydalanmaq istəyən Vəkillər Kollegiyası üzvlərinin yalnız vəkil vəsiqələrini təqdim etmələri tələb olunmaqdadır.

Facebook-da paylaş

Yeni xəbərlər

Reklam

Reklam