Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Kompensasiyadan narazı qalan sakinlər Prezidentə müraciət etdi

Kompensasiyadan narazı qalan sakinlər Prezidentə müraciət etdi

 

Bakı şəhəri, Nəsimi rayonu, Keykab Səfərəliyeva küçəsi 25 ünvanındakı yaşayan sakinlər yaşadıqları mənzillərin yaxın zamanda sökülməsi haqqında bildiriş alıblar.

Yenixeber.org: Sakinlərə mənzilləri üçün kompensasiya təklif olunub, lakin kompensasiya miqdarından qətiyyən narazı qalan ev sahibləri “Qaynarinfo” vasitəsilə Azərbaycan Respublikasının Prezidentinə müraciət ediblər.

Sözügedən məktubu sizə təqdim edirik:

“Azəbaycan Respublikasının Prezidenti cənab İlham Əliyevə 

Cənab Prezident! 

Sizə müraciət etməklə 32 ailənin son ümidi olan evimizlə əlaqədar yaranan problemin həlli ilə bağlı kömək istəyirik. Hazırda 32 ailə Bakı şəhəri, Nəsimi rayonu, Keykab Səfərəliyeva küçəsi 25 ünvanındakı beşmərtəbəli binanın 4-cü və 5-ci mərtəbələrində yaşayırıq. 

Bu ilin iyul ayında Nəsimi rayon İcra Hakimiyyətinin və Mənzil İstismar Sahəsinin nümayəndələri bizə bildirdilər ki, yaxın vaxtlarda yaşadığımız bina söküləcək və sökülərkən ədalətli şəkildə kompensasiya veriləcək. Lakin 22.08.2017-ci il tarixdə bizə bildiriş verilmiş və həmin bildirişdə 1 kvadrat metr üçün təqribən 1500 manat kompensasiyanın veriləcəyi qeyd olunmuşdur. Xatırladaq ki, binadakı mənzillərin kvadratmetri bir otaqlılar 14-28 kvadratmetr, 2 otaqlılar isə 30-40 kvadratmetr arasında dəyişir. 

Cənab Prezident, Sizə müraciət etməklə bildiririk ki, binada yaşayan ailələr kompensasiyanın məbləğindən razı deyil. Belə ki, yaşadığımız ərazidə verilən kompensasiya hesabına ev almaq qeyri-mümkündür. Yaşadığımız 28 may metrosu ətrafında, Keykab Səfərəliyeva küçəsi ərazisində binalarda mənzillərin tam təmirsizi 1 kvadrat metr üzrə minimum 2500 manata satılır. 

Sizdən xahiş edirik, dəfələrlə özünüzün də bəyan etdiyi kimi digər pilot layihələrdə olduğu kimi bizə elə bir kompensasiya məbləği verilsin ki, mənzilimizə uyğun bir mənzil ala bilək. Yaxud elə binanın yerləşdiyi ərazidəki yeni tikililərdə mənzillərlə təmin olunaq. Qeyd edək ki, bu ərazidə 1 otaqlı mənzillərin minimum qiyməti 85 min manat təşkil edir. 

Dəfələrlə prezident seçkilərində Sizə səs vermiş, Sizin daxili və xarici siyasətinizi tam dəstəkləmişik. 2018-ci il Prezident Seçkilərində də Sizi növbəti illər üçün bir daha Azərbaycanın Prezidenti görmək istəyirik. Sizə arxalanırıq və son ümidimiz olan evimizin ədalətli prinsiplə qiymətləndiriləcəyinə inanırıq! 

Hörmətlə, Bakı şəhəri, Səfərəliyeva küçəsi, ev 25 ünvanındakı binada yaşayan sakinlər adından”.


Facebook-da paylaş

Yeni xəbərlər

Reklam

Reklam