AZ
RU
.png)
“ABŞ yeni silahlanma yarışı elan edir”– Qorbaçov
ABŞ-ın “Orta və yaxın mənzilli ballistik raketlərin ləğvi haqqında” müqavilədən çıxmaq niyyəti yeni silahlanma yarışına başlanıldığının elan edilməsi deməkdir.
Yenixeber.org: Bunu SSRİ-nin ilk və son prezidenti Mixail Qorbaçov “New York Times” qəzetinə müsahibəsində deyib.
Yenixeber.org: Bunu SSRİ-nin ilk və son prezidenti Mixail Qorbaçov “New York Times” qəzetinə müsahibəsində deyib.
“Yeni silahlanma yarışı elan edilib. “Orta və yaxın mənzilli ballistik raketlərin ləğvi haqqında” müqavilə beynəlxalq vəziyyətin hərbiləşdirilməsi naminə verilən ilk qurban deyil. Vaşinqton hələ 2002-ci ildə raketdən müdafiə sistemlərinin məhdudlaşdırılmasına dair müavilədən çıxıb. Bu il isə İranın nüvə proqramı ilə bağlı razılaşmadan çıxdı. Hərbi xərclər astronomik səviyyəyə qaldırılıb və artmağa davam edir” – Qorbaçov vurğulayıb.
Qeyd edək ki, ABŞ prezidenti Donald Tramp Rusiyanın “Orta və yaxın mənzilli ballistik raketlərin ləğvi haqqında” müqavilənin şərtlərini pozduğuna görə Vaşinqtonun sazişdən çıxacağını bəyan edib. Lakin Tramp konkret hansı şərtlərin pozulduğunu açıqlamayıb. Onun sözlərinə görə, “başqaları özlərinə gələnədək ABŞ öz nüvə potensialını artıracaq.”
Xatırladaq ki, ABŞ ilə Rusiyanın Avropa və Uzaq Şərqdəki müttəfiqlərini qorumağı hədəfləyən orta və yaxın mənzilli ballistik raketlərin ləğvi haqqında müddətsiz müqavilə 1987-ci ildə Qorbaçovla o zamankı ABŞ prezidenti Ronald Reyqan arasında Vaşinqtonda imzalanıb. Müqavilə Rusiya və ABŞ-ın 500-5500 kilometr məsafə radiusunda hədəfləri vura biləcək yer tipli bütün qanadlı raketlərin ləğvini nəzərdə tutur, həmçinin onların istehsalını və sınağını qadağan edir.
.jpg)
.jpg)
