Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Putindən Sobçaka qədər…-Rusiya prezidentliyinə namizədlərdən kimin nə qədər pulu var?

Rusiya prezidentliyə namizədlər arasında ən varlısı Kseniya Sobçak imiş.

Yenixeber.org: Xarici mətbuat xəbər verir ki, bu, namizədlərin Rusiya Mərkəzi Seçki Komissiyasına təqdim etdiyi gəlir deklarasiyalarından məlum olub.

 

Kseniya Sobçak

Kseniya Sobçak deklarasiyasında göstərib ki, son 6 ildə gəliri 400 milyon rubldan çox olub. Əlavə olaraq xarici banklardakı hesablarda 417 milyon rubluvar. 

Rəsmi rəqəmlərdən məlum olur ki, teleaparıcı Rusiya prezidentliyinə namizədlər arasında gəliri ən çox olandır. Sobçak gəlir mənbəyi kimi "Dojd" telekanalından aldığı məvacibi göstərib. Həmçinin sahibkarlıq fəaliyyətindən gəlir əldə etdiyini bildirib.

 

Boris Titov

İkinci sırada namizəd Boris Titov ("Rost" Partiyası) gəlir. Titov son 6 ildə 275 milyon rubl gəlir əldə edib. Daha 156 milyonu isə bank hesablarındadır. Bundan başqa, Titovun İspaniyada dəyəri 570 milyon rubl olan evi var. 

 

Pavel Qrudinin

Pavel Qrudinin (KPRF) deklarasiyada son 6 ildəki gəlirinin 157 milyon rublolduğunu bəyan edib.

 

Vladimir Jirinovski

Vladimir Jirinovski (LDPR) qeyd olunan müddətdə 98 milyon rubl gəlir əldə edib. Dediyinə görə, cəmi bir avtomobilə sahibdir, o da 2014-cü il buraxılışlı LADA "Niva".

 

Maksim Suraykin

Maksim Suraykin ("Rusiya kommunistləri") son 6 ildə gəlirinin 59 milyon rublolduğunu qeyd edib. Dediyinə görə, nə şəxsi mənzili, nə də avtomobili var.

 

Qriqoriy Yavlinski

Qriqoriy Yavlinski qeyd olunan dövr üçün gəlirlərinin 23 milyon rubl göstərib. Əlavə 59 milyon rubl isə bank hesabında var. Deklarasiyaya inansaq, Yavlinskinin nə avtomobili, nə də mənzili var. 

 

Sergey Baburin

Namizədlər arasında ən kasıbı Sergey Baburin ("Rusiya Ümumxalq İttifaqı") imiş. Altı il ərzində o, 11 milyon rubl gəlir əldə edib. Bank hesabında isə 130 min rublu var.

 

Vladimir Putin

Hazırkı prezident Vladimir Putinə gəldikdə, o, öz deklarasiyasında 6 illik gəlirinin 38 milyon rubl olduğunu göstərib. Bura onun maaşı, hərbi müavinəti də daxildir. 13 ayrı bank hesabında isə Putinin cəmi 13 milyon rubl pulu var imiş. Əmlaka gəlincə, Rusiya prezidenti deklarasiyada qeyd edib ki, Sankt-Peterburqda iki mənzili, üç avtomobili var. 

Araşdırmacı jurnalistlər isə Putinin ofşor şirkətlərə, mülklərə, yaxtalara, təyyarələrə və milyardlarla dollara sahib olduğunu iddia edirlər.  

Rusiyalı müxalifətçi Aleksey Navalnı deklarasiyada göstərilən rəqəmlərin həqiqəti əks etdirmədiyini bildirib. Onun sözlərinə görə, Putinin təkcə bir neçə qol saatının qiyməti 36 milyon rubldur. Rusiya prezidentini yalan danışmaqda ittiham edən Navalnı ölkə vətəndaşlarını seçkini boykot etməyə çağırıb.

Xatırladaq ki, Rusiyada prezident seçkiləri martın 18-nə təyin olunub.(strateq)


Facebook-da paylaş

Yeni xəbərlər

Reklam

Reklam