Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Zabit Səmədov:Makqreqoru rəqib kimi görmürəm

Zabit Səmədov:

 

 

Dünən “YARAT” Müasir İncəsənət Mərkəzində tanınmış idmançı, kikboksçu Zabit Səmədovla görüş keçirilib

 

Yenixeber.org: Görüşdə Zabit Səmədov karyerası, keçirdiyi qarşılaşmalar, qazandığı nailiyyətlər barədə iştirakçılara məlumat verib.

Tanınmış idmançı “YARAT” Müasir İncəsənət Mərkəzində açılan “Dağılaraq zirvələrə doğru qalxırıq” adlı sərgi ilə tanış olub.

Tədbirdən sonra Zabit Səmədov saytımıza müsahibə verib:

 Pərəstişkarlarınızla görüş barədə nə deyə bilərsiniz?

– Belə görüş ikinci dəfədir baş tutur. İlk dəfə may ayında olmuşdu. Sağolsun, “YARAT” Mərkəzi mənə bunun üçün imkan yaratdı. Görüşə gələnlərə təşəkkürümü bildirirəm. Ümumiyyətlə, mən hər zaman, hətta şəhərdə gəzəndə də xalqımın dəstəyini və sevgisini hiss edirəm. Əlbəttə ki, bu da məni qürurlandırır. Bu, döyüşlərimə də təsir edir.

–​ Hansı sual sizin üçün daha yaddaqalan oldu?

– Bir gəncin “mən də sizin kimi olmaq, qorxmamaq üçün neyləyə bilərəm” sualı yadımda qaldı. Əlbəttə ki, belə sual gözləmirdim. Gözəl sual idi. Mən də ona cavab verdim.

 Qarşıda hansı yeni layihələriniz var?

– Bildiyiniz kimi, mən artıq Azərbaycanda yaşayıram (xatırladaq ki, o, Gürcüstanda doğulub və 10 yaşında Belarusun paytaxtı Minskə köçüb – S.T.). Ölkə başçısı İlham Əliyev sayəsində mənə vətəndaşlıq verildi. Daha sonra dekabrda prezidentimiz Bakıda mənə mənzil bağışladı. Hazırda burada idman klubu açmaq istəyirəm və buna dəstək var. Bu idman klubunun açılması üçün Gənclər və İdman Nazirliyi tərəfindən yer verilib. Hazırda orada təmir işləri gedir. Klubun açılışı ilə bağlı tədbir planlaşdırırıq. Aprel-may aylarında açılış edəcəyik. Mən də istəyirəm ki, bizim gənclər gəlib orada məşq etsin. Bu klubdan dünya və Avropa çempionlarının çıxmasını, onların bayrağımızı irimiqyaslı turnirlərdə dalğalandırmasını istəyirəm.

 Klubun adı nə olacaq və hansı ünvanda yerləşəcək?

– Klubun məkanı Tbilisi prospektindəki Heydər Əliyev adına İdman Sarayıdır. Adı da “Zabit” İdman Klubu olacaq.

 Burada təkcə kikboksinq idman növü üzrə məşqlər mümkün olacaq?

– Belə deyim ki, klubda döyüş idman növləri olacaq. Muay tay, kikboksinq idman növlərinin fəaliyyət göstərməsi nəzərdə tutulub. Qaydasız döyüş növləri də ola bilər.

 Hansı böyük yarışlara hazırlaşırsınız?

– Təbii ki, öz xalqımın gözü qarşısında bir beynəlxalq yarışın olmasını çox istəyirəm. Qismət olsa, belə bir yarış keçirməyi istəyirik. Bundan başqa, ölkə xaricindən də təkliflər var. Apreldə Filippində keçiriləcək bir turnirə dəvət almışam. Hazırda o turnirin müqaviləsi ilə məşğulam. Alınsa, o turnirdə döyüşəcəyəm. 23 avqustda isə Əhməd Qədirovun doğum gününə həsr olunmuş ənənəvi turnirdə iştirak edəcəyəm. Bildiyiniz kimi, Çeçenistanın mərkəzi şəhəri olan Qroznıda fəaliyyət göstərən “Əhməd” klubunun hazırda həm prezidenti, həm də döyüşçüsüyəm.

 Müsahibələrinizdən birində demişdiniz ki, irlandiyalı MMA döyüşçüsü Konor Makqreqorla görüşə bilərsiniz...

– Yox, yox, onun haqda heç nə deməmişəm. Birincisi, Makqreqorun çəkisi yüngüldür. İkincisi, o, qaydasız döyüşdə yarışır, mən isə kikboksinqdə.

 Onsuz da Makqreqor üçün fərqi yoxdur. O, rinqdə boksçu Floyd Meyvezer ilə də döyüşüb.

– Belə baxanda, mənim üçün də fərqi yoxdur (gülür). Makqreqor mənə döyüşməyi təklif etsə, əlbəttə, razı olaram. Mən onu rəqib kimi görmürəm.

 


Facebook-da paylaş

Yeni xəbərlər

Reklam

Reklam