Redaktor seçimi
Qarabağ Qazisi Abdin Fərzəliyevi "topa tutdu":
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
Günün xəbəri

Koronavirusla bağlı mühüm sorğu –Oksford Universiteti hansı nəticələrə gəlib?

 

 Yenicə keçirilmiş sorğulardan birinin nəticəsinə görə hər 10 nəfərdən 4-ü bu və ya digər dərəcədə koronavirusun Çin tərəfindən Qərbi nəzarətdə saxlamaq məqsədilə yaradıldığına inanır.

Yenixeber.org: “The Telegraph” qəzeti yazır ki, bu sorğu COVID-19 epidemiyasıətrafında cərəyan edən qəsd nəzəriyyələrinə və ya konspirologiyaya həsr edilib.

Bu sorğuda “koronavirusu Çin tərəfindən Qərbi məhv etmək üçün yaradılmış biosilah hesab edirsinizmi” sualına rəyi soruşulanların 55 faizi “yox” cavabını verib. Amma respondentlərin 20.2 faizi buna bir azca, 5.5 faizi isə tamamilə inandığını deyib.

İngiltərədəki Oksford Universitetinin kliniki psixoloqları tərəfindən aparılan sorğunun nəticələri “Psychological Medicine” jurnalında dərc edilib. Sorğu göstərib ki, İngiltərədə bir sıra insanlar COVID-19 pandemiyası ilə bağlı elmi və hökumət konsensusuna inanmır.

                                                    Hökumətə inamsızlıq

İngiltərədə rəyi soruşulan yetkin yaşlı adamların 59 faizi müəyyən dərəcədə hökumətin koronavirusun səbəbi məsələsində ictimaiyyəti azdırdığına inanır. Bunlardan beşdə biri və yaxud 21 faizi virusu uydurma hesab edir, 62 faiz isə müəyyən dərəcədə virusun insan tərəfindən düzəldildiyini düşünür.

Rəyi soruşulanların 70.9 faizi DST-nin virusa qarşı vaksinə malik olsa da, onu açıqlamamasına inanmadığını deyib. Daha 79 faiz bildirib ki, koronavirusun 5G tərəfindən radiodalğalar vasitəsilə radioaktiv zəhər yaydığına inanmır.

Mayın 4-ü ilə 11-i arasında 2500 nəfərin iştirakı ilə internetdə keçirilmiş sorğu “Oksford Koronavirus İzahatları, Yanaşmaları və Nəqli” adlanırdı. Sorğu göstərib ki, rəyi soruşulanların təxminən 50 faizi konspiroloji düşüncəyə malik deyil.

Amma adamların 25 faizi qəsd nəzəriyyələrini müəyyən dərəcədə, 15 faizi müntəzəm olaraq və 10 faizi isə yüksək inam dərəcəsi ilə qəbul etdiyini göstərib.

                                      Belə nəzəriyyələçox böyük sürətlə yayılır

Sorğu müəllifləri bildiriblər ki, konspiroloji nəzəriyyələrə inananların əksəriyyəti epidemiyaya qarşı hökumət təlimatlarına əməl etməyən, test vermək və ya vaksinasiya olunmaq istəməyənlərdir.

Oksford Universitetinin kliniki psixologiya professoru, psixoloq-həkim Daniel Freeman deyib ki, konspiroloji nəzəriyyələrin çox yayılmasına və qəbul edilməsinə həm də bu epidemiyanın qeyri-adi xarakteri təsir göstərib. Onun fikrincə, qəsd nəzəriyyələri bir növ adamların böyük təhlükəyə müdafiə reaksiyasıdır.

Tədqiqat bunu da nümayiş etdirib ki, konspiroloji nəzəriyyələr cəmiyyətin geniş təbəqələrini əhatə edir.

Psixoloq Sinéad Lambe isə bildirir ki, qəsd nəzəriyyələri adamların bir qisminin hökumətə və dövlət strukturlarına inamsızlığına görə geniş yayıla bilir. Onun fikrincə belə nəzəriyyələr əvvəllər olduğundan daha böyük sürətlə və daha böyük məsafələrə yayılır. (azadliq.org)


Facebook-da paylaş

Yeni xəbərlər

Reklam

Reklam