Redaktor seçimi
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Niyazi Bayramov Baş Prokurorluğa meydan oxuyur və yaxud öz əməllərinə kimi qurban edəcək -
TALEH BƏŞİROV “PAT” VƏZİYYƏTİNDƏ: yediyini nə uda, nə də qaytara bilir -
London Məhkəməsi Ülvi Quliyevi də təftiş edir -
Günün xəbəri

KÜRDƏMİR SAKİNLƏRİ İCRA BAŞÇISINDAN ŞİKAYƏTÇİDİR:“Bu, bir kəndin əhalisinin məhv olması deməkdir” 

 

 Yenixeber.org: Kürdəmir rayonu Bağman kənd sakinləri tərəfindən redaksiyamızın elektron poçtuna şikayət məktubu daxil olub. İcra başçısı Ceyhun Cəfərovdan şikayət edən sakinlər yazır:

“Kürdəmir rayon İcra Hakmiyyətinin başçısı Ceyhun Cəfərovun korrupsiya əməlləri nəticəsində Bağman kəndinə məxsus 285 hektar örüş sahələri qanunsuz olaraq uzun müddətli icarəyə verilmiş və həmin şəxslər örüş torpaqlarını qanunsuz olaraq əkmişlər. Nəticədə də kənd saknləri heyvanlarını otarması üçün örüşsüz qalıb. Bu isə bir kəndin əhalisinin məhv olması deməkdir.

Belə ki, aqrar islahat zamanı kənd sakinlərinə pay torpaqları verildi, 285 hektar ümumi örüş sahəsi ayrıldı, 16 hektar perespektiv inkişaf üçün torpaq sahəsi ayrıldı, 56 hektar isə yararsız hesab edildi.

Hazırda həmin 285 hektar örüş torpaq sahəsi Bağman bələdiyyəsinin keçmiş sədri Vidadi Pirişov tərəfindən ailə üzvlərinə və  yaxın qohumlarına uzun müddətli icarəyə verilmiş, həmin şəxslər isə təyinat dəyişdirilmədən həmin torpaqları əkiblər. Bu isə cinayət əməli hesab edilir.

Bağman bələdiyyəsinin sabiq sədri Vidadi Pirişov bu cinayəti icra başçısı Ceyhun Cəfərovun razılığı ilə, onunla əlbir olub etmişdir.

Diqqət edin, 285 hektar örüş sahəsinin çox hissəsini öz ailə üzvlərinə və yaxın qohumlarına icarəyə verib.

Qardaşı Natiq Pirişova 8 hektar, qardaşı Qədir Pirişova 14 hektar, qardaşı Abbas Prişova 17 hektar, əmisi Vahid Pirişova 4 hektar, əmisi oğlu Əlizadə Pirişova 12 hektar, əmisi oğlu Aqil Prişova 4 hektar, əmisi oğlu Zülfüqar Prişova 6 hektar, oğlu Sərvər Prişova 10 hektar, qardaşı Rafiq Prişova 40 hektar örüş sahəsini uzun müddətli icarəyə vermişdir. Həmçinin digər şəxslər Saleh Qasımova 10 hektar, Ənvər Əmrahova 5 hektar, Eminəxatun Dadaşovaya 55 hektar örüş torpaqlarını uzun müddətli icarəyə vermişdir.

Vidadi Prişov bu cinayəti tək icra başçısı Ceyhun Cəfərovla əlbir olub, etməmişdir. Ona bu cinayətin saxta sənədlərlə leqallaşdırılmasında 10 saylı Əmlak İdarəsinin rəisi Nizami Qasımov köməklik etmişdir. 10 saylı Əmlak İdarəsinin rəisi Nizami Qasimov küllü miqdarda rüşvət müqabilində bu cinayətə imza atmışdır. Hansı ki, ümumi istifadədə olan kəndin örüş torpaqlarının hərraca çıxarılıb icarəyə verilməsi və örüş torpaqlarında təyinat dəyişdirilmədən əkin işləri aparılması cinayət əməlidir. Örüş torpaqlarının təyinatının dəyişdirilməsi isə birbaşa Nazirlər Kabinetinin səlahiyyətinə aiddir.

3 nəfər vəzifəli şəxsin əlbir olub törətdikləri cinayət əməli nəticəsində Bağman kənd saknləri aclıq, yoxsulluq içində yaşamağa məhkum olublar. Çünk Bağman kənd sakinlərinin əsas qazancı heyvandarlıqdır. Örüş yeri olmayanda isə sank kənd sakinləri məhv olacaqlar. Bizə qarşı edilən bu cinayət əməli barədə kənd sakinləri birlikdə orqanlara gedib, əyani şikayətlər etmişik. Prezident Administrasiyasında, Ədliyyə Nazirliyində, Əmlak Məsələləri Dövlət Komitəsində, Göyçay Regional Ədliyyə İdarəsində və Kürdəmir rayon icra hakimiyyətində bizi qəbul edib dinləyən vəzifəli şəxslər məsələni araşdırıb problemi tez bir zamanda həll edəcəklərinə söz versələr də, indiyə qədər heç bir tədbir görülməyib. Çünki bu cinayətin başında bir başa icra başçısı Ceyhun Cəfərov dayanıb.

Ceyhun Cəfərov həmin icra başçısıdır ki, həyətində işlətdiyi fəhlə faciəli şəkildə ölsə də, buna görə ona gözün üstə qaşın var deyən olmadı. Bu adam icra başçısı yox, sanki mafiya başçısıdır.

Bir neçə gün əvvəl su problemin həll edilməməsinə etiraz edən Ucar rayonu Bərgüşad kənd sakinləri Bakı-Qazax magistral yolunu bağladıqdan sonra məsələ həllin tapdı, problem aradan qaldırıldı. Etirazçılar yolu bağlayan kimi rayonun icra başçısı şəxsən ora gəlib söz verdi. İndi bizim də bir əlacımız qalıb ki, kəndimizdən 12 km aralıda olan Bakı-Qazax yolunu bağlayıb, etiraz edib, səsimizi prezidentə çatdıraq. Çünki artıq bışaq sümüyə dirənib, aclıqdan məhv olmaq üzrəyik.

Biz Bakı-Qazax yolunu bağlamazdan əvvəl mətbuat vasitəsi ilə prezident cənab İlham Əliyevə müraciət edirik.

Cənab Prezident, xahiş edirik komissiya yaradın Kürdəmir rayonu Bağman kəndinə göndərib gəlib icra başçısı Ceyhun Cəfərovun, keçmiş bələdiyyə sədri Vidadi Prişovun və 10 saylı Əmlak İdarəsinin rəisi Nizami Qasimovun əlbir olub törətdikləri cinayəti araşdırıb, barələrində ciddi tədbirlər görsünlər kəndin örüş torpaqları quldurlardan alınıb kəndlilərə qaytarsınlar”.

Qeyd edək ki, müraciətə aşağıda adları sadalanan Kürdəmir rayon, Bağman kənd sakinləri imza atıb:                                                                                                                     

Balakişiyev Rüstəm Saməli oğlu;

Əliyev Nüsrət Əlibala oğlu;

Dəmirov Habil Cəfər oğlu;

Balakişiyev Hikmət Xanlar oğlu;

Balakişiyeva Leyla Səfər qızı;

Balakişiyev Xanlar Məhərrəm oğlu

Əliyev Alim Ağaəli oğlu

Balakişiyeva Nazxanım Mahmud qızı

Balakişiyev Saməli Əhməd oğlu

Həsənov Əli Babaxəlil oğlu

Balakişiyev Əminə Saleh qızı

Balakişiyev Yalçın Əhməd oğlu

Balakişiyeva Narınc Şəmi qızı

Əliyev Allahverdi Maqsud oğlu

Dəmirov Niyaməddin Ağakişi oğlu

 Dəmirov İdiris Cəfər oğlu

Dəmirova Sevda Cəfər qızı

Dəmirova Qumru Əliməhəmməd qızı.

Redaksiydan: Mövzu ilə bağlı qarşı tərəfin mövqeyini dərc etməyə hazırıq.

.


Facebook-da paylaş

Yeni xəbərlər

Reklam

Reklam