Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Londonlular bədxərc Zamirə haqda eşidib şoka düşdülər-"Bizdə o qədər pul nə gəzir?..." Videoreportaj

 

London sakinləri Azərbaycan Beynəlxalq Bankının keçmiş rəhbəri Cahangir Hacıyevin xanımı Zamirə Hacıyevanın cəmi bir neçə il ərzində məşhur “Harrods” univermağında 16 milyon funt sterlinq xərclədiyini eşidəndə heyrətə gəliblər. 

Yenixeber.org: Bu barədə “Soshin TV” internet televiziyasının reportajında deyilir.

“Bu günkü əhvalat Zamirə Hacıyeva haqdadır, həmin qadın ki, məşhur “Harrods” univermağında 16 milyon funt sterlinq xərcləyib, bu isə az qala 1.5 milyard rubl deməkdir”-reportajda deyilir.

Müəllif daha sonra “Harrods” univermağı haqda məlumat verir. Bildirir ki, əslində bu univermağın nə olduğunu izah etməyə ehtiyac yoxdur, onun müştəriləri əsasən oliqarxlar və şeyxlərdir. Sadə insanlar isə bu univermaqda qiymətləri görəndə şoka düşürlər.

“Əsəbləri zəif olanlar üçün nəzərə çatdırıram ki, 16 milyon funt sterlinq bir gündə yox, bir neçə ildə xərclənib. Amma hər halda şoppinqə gündə orta hesabla  min funt gedib. Azərbaycanın dövlət bankının keçmiş rəhbərinin arvadı bu univermağı öz dogma evi kimi sayırdı, alış-veriş edib pulları limitsiz kredit kartları ilə ödəyirdi. Ərinin bankının kredit kartları ilə. Onlar isə cəmi 35 ədəd olub. Zamirə Hacıyeva univermaqdan brend “şmotka”, bahalı şərablar, daş-qaş alırdı”-reportajda xatırladılır.

Məsələn, Hacıyeva univermaqdakı “Boucheron” butikindən “Cartier” brendinə aid zinət əşyası almağa birdəfəyə  150 min funt xərcləyib.

London “burjuaziyasının” sadə nümayəndələri isə Zamirə Hacıyevanın xərclədiyi pullar barədə eşidəndə şoka düşdüklərini gizlətmirlər. “Bu ki, çox böyük puldur. Bir yığın puldur!”-univermağın qarşısından keçən qadın deyir. “Mən bilmirəm o həmin pula buradan nə ala bilərdi…Yəqin ki, bütün rənglərdə və ölçülərdə çantalar, hər rəngə və modeldə tuflilər. Fikirləşəndə görürsən ki, bu necə sərsəmlikdir…”-həmin qadın əlavə edir.

“Yox,mənim o qədər pulum yoxdur. Bizdə o qədər pul nə gəzir?”-bunu isə Zamirənin univermaqda xərclədiyi pullar haqda eşidən qaradərili qadın bildirir.

“Mən heç o pulu təsəvvürümdə də canlandıra bilmərəm”-digər London sakinin reaksiyası belə olub.

Reportajda qeyd olunur ki, əsas məsələ heç də pullar deyil. Əsas məsələ odur ki, xanım Hacıyeva Böyük Britaniyada qəbul edilən “McMafia” qanunun (çirkli pulların leqallaşdırılmasına qarşı mübarizə qanunu)  tətbiq olunduğu ilk əcnəbidir.

“Britaniyanın Milli Kriminal Agentliyi inanmır ki, xanım Hacıyevanın xərclədiyi pullar qanuni yollarla əldə edilib. Hərçənd o, pulların qanuni qazanıldığını, ərinin dövlət bankiri olmazdan əvvəl bizneslə məşğul olduğunu deyir. Amma Cahangir Hacıyev hətta uğurlu dövlət bankiri olsaydı belə onun aldığı maaşla bu pulları xərcləmək-qolf klub, şəxsi təyyarə, Londonda mülk almaq mümkün olmazdı”-reportajda bildirilir.

Daha sonra reportaj Zamirə Hacıyevanın Londonun elitar Naytsbric kvartalındakı ağ malikanəsinin qarşısında davam edir. Malikanənin qarşısında limuzinlər üçün park yeri kirayələnib, “hər ehtimala qarşı”.  Hərçənd Zamirə Hacıyeva “Harrods”dan şoppinqdən qayıdanda onun yükünü daşımaq üçün limuzinə gərək olmazdı.

Yerli sakinlərdən biri evi göstərərək deyir ki, orada yaşayanları tanıyır: “Onlar sadəcə olaraq pul xərcləməyi sevən adamlardır”.

Bildirilir ki, Z.Hacıyevanın aktivlərinə dair mübahisə təxminən 6 ay çəkə bilər. Əgər bu çəkişmədə Z.Hacıyeva sübut edə bilsə ki, pullar qanuni yollarla qazanılıb, o zaman Milli Kriminal Agentliyi “MacMafia qanununun” gələcəkdə tətbiqinə dair tərəddüd edəcək. Çünki hər belə iddia xeyli xərc deməkdir. “Lakin sübut olunsa ki, pullar Azərbaycan büdcəsindən oğurlanıb, o zaman bunun uzaqgedən nəticələri olacaq, o cümlədən rusiyalı oliqarxlar üçün”-müəllif bildirir.(virtualaz.org)

F.Məmmədov

 

 


Facebook-da paylaş

Yeni xəbərlər

Reklam

Reklam