AZ
RU
.png)
İranda iki ton narkotik müsadirə edildi
İranın Sistan-Bəllucistan bölgəsindəki İranşəhər şəhərində polisin apardığı əməliyyat zamanı 2 ton narkotik vasitə müsadirə edilib.
Yenixeber.org: Bölgənin polis idarəsinin rəis müavini Əhməd Tahiri xəbər verir ki, əməliyyat zamanı bir sıra evlərdə və iaşə obyektlərində axtarışlar aparılıb.
Rəis müavini ötən gün bölgədə iki nəfər polis əməkdaşını qətlə yetirənlərin axtarışının da davam etdiyini də bildirib.
Qeyd edək ki, İranın Sistan-Bəllucistan bölgəsi Əfqanistan və Pakistan ilə sərhədə yerləşir. Əfqanistandakı ictimai-siyasi vəziyyətin sabit olmaması narkotik vasitələrin qaçaqmalçılığı məşğul olanlara geniş imkan yaradıb. Qaçaqmalçılar narkotik vasitələri İran üzərindən və Avropaya daşımağa çalışırlar. Bundan başqa terror qruplaşmaları da sərhədi keçərək müxtəlif təxribatlar törədə bilirlər. Bu səbəblərə görə İran polisi bu bölgədə mütəmadi reydlər keçirir.
