AZ
RU
.jpg)
.png)
"Min üzü varsa" -Təranə Şəms
Min üzü varsa
Kölgənin işıqda bir izi varsa,
O işıq yol alar sənlə gedənə.
Bir insan oğlunun min üzü varsa,
Ağırlıq edəcək, gödən bədənə.
Hər gəda adamdan ər, ərən olmaz,
Baxma sən, çuvaldan görünən üzə.
Hər bağı sevəndən gül dərən olmaz,
Sıfırlar artdıqca çatmaz ki, yüzə.
Yolunun önündə əngəl nə isə,
Əyilmə kimsəyə başını dik tut.
Ürəyin söyləyib qəlbin də bilsə,
Atdığın o daşı, “O” daşını dik tut.
Allahı sevməyən nəyi sevər ki?!...
Ədalət önündə başı əyilməz.
Haqlısan,haqsızsan nəyi sezər ki?!...
Yalanla naxoşsa o düz əyilməz!...
Sözlərim yük olsa kimə, kimsəyə,
Düşünsün, düşünsün birdə düşünsün.
Kəlmələr azaddır dolmaz kisəyə,
Yatmış olan hər kəsə, birdə düşünsün!...
Önümdə dayanıb balaq yelləmə,
Yeri sən, astaca kamur dəyməsin.
Bağbanam söyləyib torpaq belləmə,
Allahı sevəni, bəndə əyməsin.
Təranə Şəms
.jpg)
