Redaktor seçimi
MAFİOZ, XEYRİYYƏÇİ, YOXSA SİYASİ OYUNBAZ?! –
Samir Şərifovun Zərdabdakı kadrına ittiham-
“Canavar imkanı”-
“Qatil klinika” adı qazanan “Modern Hospital”:
NEFTİN QİYMƏTİNƏ YALNIZ 3 NƏFƏR NƏZARƏT EDİR! –
Yanğın... Mesaj... Sual...-
RUSİYA DOLLARIN BUXOVUNDA! –
Günün xəbəri

Bəhri təvil

 

 

Yenixeber.org: Bilirsənmi a qardaşım, a sirdaşım, a yurddaşım, mən yazaram, yüz quyunu kənkan olub mən qazaram, əyri desən mən pozaram, gördüyün o pis yuxunu mən yozaram, mən deyim ki, sən biləsən:-addımında əyri olan hər izini MƏN tozaram.  Mən deyirəm bir də eşit, a qardaşım, sən ağlını yığ başına, götür-qoy et ceşid-çeşid!... Diqqət edib  baxmısanmı öz bacına, paltar geyir, geyimləri necə geyir, çulu cırıq “Bomj” kimi şalvar cırıq, yaxa açıq, paltar seçir qısa ətək,  göz önündən necə keçir? Yetir gücün, söz deyəsən, söz oynadıb, söz yeyəsən baş tacına, əlac edib əl acına, donuz kimi xor-xor edən yal acına. Namuş-qeyrət, söylə nədir, boş başına taxmısanmı, yoxsa ki, ya bacın vuran kraskanı saç uzadıb bitli başa yaxmısanmı?... Şalvarını bacın geyib, təklif etsə öz donunu, moddu deyib  öz əyninə taxmısanmı? Namus üçün  şirin  canı sən odlara yaxmısanmı? “Palaza bürün, ellə sürün” yararlanıb bu deyimdən lilli suda batmısanmı, axmısanmı, qəzəblənib dağ çayıtək dağdan düzə daşmısanmı?!... Gözlərin ha kordu məgər, yazan gərək:- sən biləsən?... Bacın geyən paltar nədir, astar nədir, üz nədir, gördüyün o yüz nədir,  görmür gözün bəs biləsən, öz gözündə tir görməyib, başqasına sən, güləsən? Olmazmı ki, od qalayıb kül ələ sən, dik gəzərək şəstlə gəzib, öz ailənə gül ələ sən!... Ana, bacı hər oğulun namusudur, qeyrətidir, iffətidir, Allah verən paydı bizə yer üzünün xilqətidir, qardaş olub qorumasan bir ailənin aşıb-daşan xiffətidir. Dön yoluna, sən də sən ol, qapaz vurub öz başına dəngəsər ol, nümunə ol, yadda qalan bir əsər ol, ağızlara bir məsəl ol, “namus” üçün yansın ürək,- öz adına dəyər verən  hökümünlə söz kəsər ol!... Mən də deyim oğuldu bu, hər ailəyə nəsib olmaz noğuldu bu, mükafatı “Qeyrət” olan söyləyirəm atamoğlu, ən dəyərli, ən dəyərli “SAĞ OL”-du bu!!!!....  

Təranə Şəms  13.11.2018

шаблоны для dle 11.2

Xəbər lenti

Reklam

Sorğu

    
     

    Saytımızı bəyəndiniz?