AZ
RU
.jpg)
.png)
Şairə dostuma məsləhət
Xeberinfo.com:
Hələlik yazma şeiri?
Yazılırsa, açılacaq qəm dəftəri.
Yazmaqdansa,
Öyrən çay dəmləməyi.
Adı xoruz quyruğu, qıp-qırmızı,
Pürrəngi.
Sonra işvəylə-nazla,
Gətir qoy qabağıma,
Nəfsini, nəfəsini,
Ürəyinin səsini ötür ona.
Mən də qaynar-qaynar, isti-isti,
İçim onu damla-damla,
Bala-bala.
İçim onu yana-yana.
Hiss eliyim o qaynarda qaynayan nəfəsini.
Nəfəsinlə duyur mənə,
Ürəyinin pıçıltılı səsini.
Hələlik yazma şeiri?
Korlama dəftər-qələmi.
Axşam olsun, oyaqları qoy yatdıraq,
Qapıları tez bağlayaq,
Gözdən könüldən uzaq,
Bir küngündə, yatağın,
Sən nəfsinlə,
Eşqi qaynar nəfəsinlə,
Ehtirasla, yanıq incə şirin səslə,
Qollarımın arasında,
Yetişdikcə muradına,
Yazacağını,
Pıçıltıyla söyləyərsən qulağıma.
Hələlik yazma şeiri?
Mehdi Əsgərov
.jpg)
