AZ
RU
.png)
.png)
Moldovanın yeni baş nazirini Musa Pənahovla nə bağlayır?
"Xeberinfo.com": Məlumata görə, Moldovada hakim koalisiya “Azercell”in keçmiş prezidenti Kiril Qaburiçin baş nazirliyə namizədliyini irəli sürüb
Parlamentdə çoxluq təşkil edən partiyalar Qaburiçin namizədliyini dəstəkləyir və onun baş nazir postunu tutması artıq qətiləşmiş məsələ hesab olunur.
Moldova mətbuatı Kiril Qaburiçin Azərbaycanın nəqliyyat nazirinin müavini Musa Pənahovla əlaqələri haqda yazır.
“Moldnews” anonim mənbələrə istinadən xəbər verir ki, Kiril Qaburiç Musa Pənahovun qudası, Moldovanın eks-prezidenti, kommunist Vladimir Voroninlə yaxın əlaqələrə malikdir. Belə ki, Qaburiç Voroninin nəvəsi Yekaterina Voroninanın toyunda nanaş olub.
Nanaş Moldovanın toy adətlərinin əsas fiqurlarından biridir, vəzifəsi təxminən nikah şahidliyi formasındadır. Bəylə gəlinin ailəsi nanaş olaraq adətən yeni evlənənlərdən yaşlı, ancaq onların valideynlərindən gənc birini seçirlər. Əsas məsələ odur ki, nanaşın ailəsi möhkəm olmalı və yeni evlənənlərə nümunə sayılmalıdır.
Xatırladaq ki, Voroninin nəvəsi Musa Pənahovun oğlu ilə evlənib. Onların toyu 2011-ci ildə olub və bu barədə Moldova mətbuatı da yazmışdı.
Gənc iş adamı Kiril Qaburiç isə “TeliaSonera” qrupuna daxil olan Moldova mobil rabitə operatoru “Moldcell”in prezidenti olub. 2012-ci ildə “Azercell”in prezidenti təyin edilib və 2014-cü ildə bu vəzifəni tərk edib.(virtualaz.org)
