Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Dövlət şirkəti şəhidin 11 min manatını “yedi”- Prezidentə müraciət

 

Azərbaycan Dövlət Siğorta Şirkəti şəhid ailəsi tərəfindən məhkəməyə verilib.

Xeberinfo.com:   Bununla bağlı AzNews.az-a iddiaçı, şəhid anası Əpruz Ağaməmmədova məlumat verib. Ə.Ağaməmmədovanın sözlərinə görə, oğlu Şabıyev Səyyar Aslan oğlu 1992-ci ilin əvvəllərində Yardımlı Rayon Hərbi Komissarlığı tərəfindən müddətli həqiqi hərbi xidmətə çağırılaraq, döyüşmək üçün Qarabağ bölgəsinə göndərilib. O, Qubadlı, Füzuli rayon istiqamətlərində gedən döyüşlərdə iştirak edib. 2 oktyabr 1992-ci il tarixində Füzuli istiqamətində gedən döyüşlərdə qəhrəmancasına həlak olub və Yardımlı rayon Şəhidlər Xiyabanında dəfn edilib. Anası Ə.Ağaməmmədova hərbi qulluqçular dövlət tərəfindən məcburi siğortalandığından, 11 min manat məbləğində siğorta pulunun verilməsi üçün dövlət siğorta siyasətini həyata keçirən Dövlət Siğorta Şirkətinə müraciət edib, lakin bu günə kimi siğortanı naməlum səbəblərdən ala bilməyib. 

Buna görə də ailə məcburiyyət qarşısında qalaraq dövlət şirkətini məhkəməyə verib. Binəqədi rayon məhkəməsində 3 noyabr 2014-cü il tarixində məhkəmə keçirilib. Hakim Tale Kərimovun sədrliyi ilə keçirilən prosesdə şəhid ailəsinin lehinə qərar çıxarılıb. Şəhid üçün nəzərdə tutulan sığorta pulunun tez bir zamanda ailəsinə verilməsi tələb olunub. Lakin məhkəmədən 2,5 ildən də çox vaxt keçməsinə baxmayaraq Dövlət Siğorta Şirkəti çıxarılan qərarı icra etmir. Şirkət bunu maliyyənin olmamasıyla izah etməyə çalışır. Şəhid ailəsi bu dövlət qurumunun özbaşınalığı ilə bağlı ölkə rəhbərliyinə şikayət edəcəyini bildirir: “Neçə illərdi, biz öz haqqımızı ala bilmirik. Hansı qapını döyürüksə hörmətsizliklə qarşılanırıq. Xırda məmurlar şəhid ailələrinə də hörmət qoymur. Sağ olsun Binəqədi məhkəməsi, bizim iddiamızı təmin elədi. Lakin Dövlət Siğorta Şirkəti məhkəmə qərarını da saya almır. İndi ümidimiz ölkə Prezidenti İlham Əliyevədir”.

Mövzunu davam etdirəcəyik.


Facebook-da paylaş

Yeni xəbərlər

Reklam

Reklam