AZ
RU
Azərbaycandan Gürcüstana tikinti materiallarının ixracı artıb
Gürcüstan il ərzində Azərbaycan istehsallı tikinti materiallarının idxal həcmini 29,1 faiz artırıb.
"Xeberinfo.com": Trend-in məlumatına görə, bu barədə Gürcüstan Milli Statistika Xidmətinin 2014-cü ilin yanvar-noyabr aylarının yekunu üzrə xarici ticarət haqqında hesabatında deyilir.
Hesabata əsasən, 2014-cü ilin yanvar-noyabr aylarında Gürcüstan Azərbaycandan 23,84 milyon dollar dəyərində 139,28 min ton inşaat gipsi və digər anhidritlər alıb ki, bu da ötən ilin analoji dövründəkindən 23,2 faiz çoxdur. Müqayisə üçün: ötən ilin yanvar-noyabr aylarında Gürcüstana 20,47 milyon dollar məbləğində 113,09 min ton tikinti materialı idxal edilib.
Bu ilin ilk 11 ayında Azərbaycana 1,338 milyon dollar dəyərində 15,5 min ton sement ixrac olunub. Ötən ilin ilk 11 ayında isə Gürcüstandan Azərbaycana 524,2 min dollar dəyərində 6,46 min ton sement ixrac olunmuşdu.
Hesabat dövründə Gürcüstandan Azərbaycana 53,5 milyon dollar dəyərində 86,44 min ton dəmir çubuq ixrac olunub. Ötən ilin eyni dövründə Azərbaycana 37,53 milyon dollar dəyərində 59,85 min ton dəmir çubuq ixrac olunmuşdu.
Hesabat dövründə Gürcüstana Azərbaycan ixracının ümumi həcmində tikinti materiallarının xüsusi çəkisi 4,45 faiz olub.
Bu ilin yanvar-noyabr aylarında Gürcüstan Azərbaycandan 565,89 milyon dollar dəyərində mal idxal edib. Ötən ilin eyni dövrünə nisbətən Azərbaycandan Gürcüstana idxal 1,8 faiz artıb. Müqayisə üçün: 2013-cü ilin yanvar-noyabr aylarında Gürcüstan 555,81 milyon dollar dəyərində Azərbaycan məhsulları idxal edib.
Azərbaycan Gürcüstanın məhsul idxal etdiyi ölkələr sırasında üçüncüdür, Gürcüstana gətirilən məhsulların ümumi həcmində Azərbaycandan ixracın xüsusi çəkisi 7,3 faiz təşkil edir.
.jpg)
.jpg)
