Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Hakimiyyətdəki “nurçu savaşı”nda üçüncü qüvvə

 

PA-nın şöbə müdiri Əli Həsənov qarşıdurmanın qurbanı ola bilər

  "Xeberindo.com": Hakimiyyət daxilində “nurçu savaşı” açıq müstəviyə keçib. Bir müddət əvvəl başlanan bu savaş nurçulara bağlı olduğu bildirilən Prezident Administrasiyasının siyasi təhlil və informasiya şöbəsi təminatının keçmiş müdiri Elnur Aslanov və komandasının küncə sıxışdırılması ilə bir qədər səngimişdi.

Qeyd edək ki, həmin vaxt məsələnin kökündə Prezident Administrasiyasının ictimai-siyasi şöbəsinin müdiri Əli Həsənovla Elnur Aslanov arasında nüfuz savaşının dayandığı ilə izah edilirdi. İddialara görə, Əli Həsənov rəqibini sıradan çıxarmaq üçün “nurçu kartından” istifadə etmişdi. Təsadüfi deyil ki, Prezident yanında Strateji Araşdırmalar Mərkəzinin direktoru, Elnur Aslanovun komandasının üzvü olan Fərhad Məmmədov da mediaya açıqlamasında onlara qarşı hücumların arxasında Əli Həsənovun dayandığına işarə vurmuşdu.
Hələ həmin vaxt “Azadlıq”a Elnur Aslanova yaxın cəbhədən daxil olduğu şübhə doğurmayan material göndərilmişdi. Həmin materialda qarşı tərəfin, yəni, Əli Həsənov və ona yaxın adamların nurçularla əlaqəli olduğu iddia edilirdi.

Bundan başqa Elnur Aslanovun şöbəsinin Əli Həsənova yaxın kadrlar arasında bölüşdürülməsi, “Irəli”nin ictimai-siyasi şöbənin müdirinin nəzarətinə keçməsi, nəhayət “Çağ” Öyrətim Işlətmələrinin “Kaspi” Təhsil Mərkəzləri ilə əvəzlənməsi də bu iddiaların doğruluğuna əsas verirdi. Qısası, “nurçu savaşı”nın birinci mərhələsi iki şöbə müdirindən birinin məğlubiyyəti ilə başa çatmışdı.

Bu iddialara Qənirə Paşayevanın cavabında maraqlı bir məqam var. Deputat bildirir ki, kimlərsə Ərdoğana xoş gəlmək üçün bu məsələni gündəmə gətirib: “Məlum oldu ki, Türkiyənin yeni prezidenti seçilmiş Rəcəb Tayyib Ərdoğana özünü daha yaxın göstərmək, bundan istifadə etmək istəyən bir dəstə azərbaycanlı var və onlar bu kimi fəaliyyətlərin əsas ilhamvericiləridir”.

Qənirə Paşayevanın dediyi həmin dəstənin hakimiyyətdə təmsil olunduğu şübhəsizdir. Ümumiyyətlə, bir məsələni xüsusi olaraq qeyd edək ki, nurçu məsələsi əsasən iqtidarın nəzarətində KIV-lərdə qabardılır.

Qənirə Paşayevanın bu fikri hakimiyyətdaxili qruplar arasında ziddiyyətlərin olduğunu və qarşıdurmalarda nurçu kartından istifadə edilməsi barədə mülahizələrin əsassız olmadığını ortaya qoyur.

İndiki savaşda Elnur Aslanov və komandasının adı qırmızı xətlə keçsə də, bu, Əli Həsənov-Elnur Aslanov qarşıdurmasının davamı kimi qiymətləndirilə bilməz. Redaksiyamıza daxil olan məlumatlara görə, əslində indiki savaşı başlayan hər iki qrupu sıradan çıxarmaq niyyətində olan iqtidardakı başqa qruplaşmalardır. Bu savaş Elnur Aslanov və onun yaxın ətrafı qədər Əli Həsənov üçün də ağır nəticələrə səbəb ola bilər.

 


Facebook-da paylaş

Yeni xəbərlər

Reklam

Reklam