Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

“Direktor məndən 2 min manat alsa da, işlə təmin etmir” –Cəlilabad məktəbində şok rüşvət qalmaqalı

 

 

 

Cəlilabad rayonu 2 saylı Alar kənd orta məktəbinin direktoru Lətif Seyfullayev 2 min manat məbləğində rüşvət almaqda suçlanır.

Yenixeber.org: Məlumata görə, Cəlilabad rayonunun Alar kənd sakini Zəminə Qiyasova kənd 2 saylı orta məktəbin direktoru Lətif Seyfullayevdən Cəlilabad rayon prokurorluğuna şikayət edib.

Qiyasova şikayətində əvvəllər həmin məktəbdə işlədiyini, 2017-18-ci tədris ilində ibtidai sinif müəllimi kimi fəaliyyətini davam etdirmək üçün Seyfullayevin ondan 2 min manat pul istədiyini bildirib.

Onun sözlərinə görə, banklardan birindən 2 min manat kredit götürərək, məktəb direktoruna verib. Lakin direktor verdiyi sözü yerinə yetirməyib. Faktla bağlı məktəb direktoru Seyfullayev bir neçə dəfə Cəlilabad rayon Prokurorluğuna çağırılaraq dindirilib.

Fakt üzrə araşdırmalar davam etdirilir.

Məsələ ilə bağlı əlaqə saxladığımız şikayətçi Zəminə Qiyasovanın bacısı Bəstigül Qiyasova Yenicag.az-a açıqlamasında 2 saylı Alar kənd orta məktəbinin direktoru Lətif Seyfullayevin işlə təmin etmək adı ilə bacısından 2 min manat məbləğində rüşvət aldığını, ancaq pulu götürdükdən sonra vədini yerinə yetirmədiyini deyib:

“Bəli, bu məsələyə görə Lətif müəllimdən prokurorluğa şikayət etdik. Ancaq direktor sonra bizə dedi ki, Zəminəni işlə təmin edəcəm – ona görə də, prokurorluğa olan şikayətimizi təsdiqlətmədik.

Ancaq yenə deyirəm, direktor bacımdan o məbləği alıb. Bacım ibtidai sinif müəllimidir, Ağcabədi Pedaqoji Kollecini bitirib. Direktor isə indi iddia edir ki, guya bacımın diplomu saxtadır. Əgər diplom saxta idisə, o zaman 2 min manatı nəyə görə alırdı?

Direktor bildirmişdi ki, məktəbdə beşyaşlılardan ibarət hazırlıq qrupu yaradılır və o sinfi bacıma verəcək. Ancaq həmin sinfi qeyri-ixtisas sahibi olan müəllimə verdi. Bacım 2007-ci ildən o məktəbdə möhürlə təsdiq olunmuş müqavilə əsasında müəllim işləyir.

Ancaq başa düşmürəm, direktor rayonda kimə nə deyir, kimə nə verirsə, hamı onun sözünü deyir. Direktor bacımın diplomunu bir kənara atıb onu təhqir etməkdən də çəkinmir”.

Şikayətçinin özü – Zəminə Qiyasova isə Yenicag.az-a açıqlamasında Lətif Seyfullayev tərəfindən təhqirlərə məruz qaldığını bildirib:

“Məktəbdə mənim adıma belə bir sənədləşmə aparıblar ki, guya mən 15 ildir, məktəbdə laborant işləyirəm. Yəni belə çıxır ki, heç kollecə daxil olmamış artıq məktəbdə işləmişəm. Ancaq məktəbdə fəaliyyətim 2007-ci ildəndir. İndi isə diplomumun saxta olduğunu iddia edirlər.

Mən dəfələrlə direktor tərəfindən təhqir olunmuşam.

Məsələ qalxandan sonra indi də mənə katibəlik vəzifəsini söz veriblər. İndi maaşım vurulmasa, şikayətimi rəsmiləşdirəcəm”.

Redaksiyadan: Qarşı tərəfi də dinləməyə hazırıq.


Facebook-da paylaş

Yeni xəbərlər

Reklam

Reklam