AZ
RU
.png)
Çaşıbsa başın
Dövrə vurub qulaq verək söhbətə,
Oyan deyib agah edək milləti.
Bir düşünüb qiymət verək rüşvətə,
Yetmədimi, bu millətə zilləti?!...
Rüşvətlə tutulur zamanın nəbzi,
Xalqımın mənliyi pula satılır.
Cırılır, atılır olmaz ki, qəbzi...
Qaynayan samovar, pulla çatılır.
Başdadır, başbilən kimə satıldıq,
Asıldıq boğazdan oyuncaq kimi.
Ad var ki, millətik hara atıldıq,
Göründük sinədə, boş sancaq kimi.
İşimiz keçəndə nazirə təzim,
Məhkəmə zalında, hakimə rüşvət.
İşimiz düzəldi... Allahu azim,
Ax...millət yaşayır, nə böyük vüsət...
Lal olub millətin ağzında dili,
Mal-mülkü girovdur, özü havada.
Ədası susdurur qocaman fili,
Nədən bəs güvənir, uda davada???....
Millətin dərdi var, adından böyük,
Neftiylə, qazıyla əllər kirlənir.
Naləsin ney ağlar ahından böyük,
Dərdinin içində, ərlər gizlənir.
Ey millət, tükəndin anlayan varmı?
Aşmısan mayallaq uçubdur başın.
Azıbsa bələdçin, danlayan varmı?
Yatmısan, yat hələ çaşıbsa başın.
Məleykə Abid.15.10.2017
.jpg)
.jpg)
