Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Sabunçuda böyük söküntü - Sakinlərin aqibəti necə olacaq?

“Yeni binaların tikilməsinə dövlət büdcəsindən vəsait ayrılmayacaq”.

 

Nazirlər Kabinetinin “Bakı şəhəri Sabunçu rayonunun sosial-iqtisadi inkişafının sürətləndirilməsinə dair əlavə tədbirlər barədə” qərarına əsasən, Sabunçu Rayon İcra Hakimiyyətinin (RİH) 5 il ərzində həyata keçirəcəyi “Pilot layihə” formatı Sabunçu rayonu ərazisindəki qanunsuz tikliləri əhatə etməyəcək.
"Xeberinfo.com":   Məlumata görə, bunu APA-ya açıqlamasında Sabunçu rayon İcra Hakimiyyəti başçısının müavini Aftandil Hüseynzadə deyib.

A. Hüseynzadə bildirib ki, Sabunçu rayonunda 19-cu əsrin sonu, 20-ci əsrin əvvəlində tikilmiş mənzil fondu hələ də istismar olunur, bu binaların istismar müddəti isə çoxdan keçib: "Söhbət burada tarixi, arxitektura əhəmiyyəti olan binalardan getmir. Elə yaşayış binaları var ki, Nobelin vaxtında - 1880-ci, 1903-cü, 1908-ci ildə tikilib, qəzalı vəziyyətdədir, müəyyən yerləri uçan binalar da var. Ona görə də məsələ qalxıb ki, Sabunçu rayonunda dövlət mənzil fondu - fərdi evlər bura aid deyil - dövlət balansında olan binalar (JEK evləri) sökülsün, yerlərində yeni, hər cür şəraiti olan binalar tikilsin".

A. Hüseynzadə qeyd edib ki, sökülməsi nəzərdə tutulan evlərə kommunal şərait, yəni ayaqyolu və digər kommunal şəbəkələr yoxdur, həyətlərdə quraşdırılıb, belə evlər 2 və 3 mərtəbəlidir. Nəzərdə tutulub ki, belə evlər sökülsün, yerində 5, 6, sıxlıqdan asılı olaraq, 7 mərtəbəli binalar tikilsin. Sakinlər də bu binalardakı mənzillərə köçürülsünlər, sakinlərin mənzil şəraitləri yaxşılaşdırılsın: “Sabunçu rayonunda bu cür qəzalı vəziyyətdə olan 80-dən artıq bina var. Bina var ki, 60 mənzili, bina var ki, 30 mənzili, bina da var ki, barak tiplidir, az mənzili var. Ümumilikdə, belə binalarda 2500-3000 civarında mənzil var”.

RİH başçısının müavini Sabunçu rayonunda qəzalı binaların sökülərək yerlərində yeni binaların tikilməsinə dövlət büdcəsindən vəsait ayrılmayacağını da açıqlayıb: 

“Dövlət tərəfindən bununla bağlı bir qəpik də vəsait ayrılmayacaq. Tutaq ki, hər hansı özəl tikinti şirkəti 25 ailənin yaşadığı qəzalı vəziyyətdə olan binanı sökəcək, yerində 50 mənzilli yeni bina tikəcək. Yeni binada 25 mənzil qəzalı vəziyyətdəki binada yaşamış sakinlərə veriləcək, 25 mənzil də tikinti işlərinə çəkilən xərclərin qarşılanması ilə əlaqədar tikinti şirkətinin sərəncamında olacaq.

Bir məqamı da qeyd edim. Əgər qəzalı vəziyyətdəki binada yaşayan ailənin mənzilinin sahəsi 50-55 kvadrat metr olubsa, yeni binada həmin ailəyə verilən mənzilin sahəsi bundan 25-35 faiz böyük olacaq. Qəzalı binanın sakinləri binanın sökülməsi və yeni binanın tikilərək istifadəyə verilməsi müddətində tikinti şirkətlərinin ayırdığı vəsaitlər hesabına kirayə evlərdə yaşayacaqlar”.

RİH başçısının müavini artıq bu istiqamətdə işlərə başlanıldığını da açıqlayıb: “Ramana qəsəbəsi, D. Bünyadzadə küçəsi 23 ünvanındakı yerləşən 31 mənzilli binadan və Bakıxanov qəsəbəsi, Ə. Ağayev küçəsində yerləşən 16 mənzilli binadan artıq vətəndaşların köçürülməsinə başlanıb. Tikinti şirkətləri tərəfindən vəsait ayrılıb ki, yeni bina tikilib istifadəyə verilən müddətə qədər sakinlər kirayədə qalsınlar. Sakinlərin köçürülməsi tam başa çatandan sonra söküntü və yeni binaların tikilməsi işlərinə başlanacaq. Sakinlər tərəfindən bu addım çox müsbət qarşılanıb, çünki bu insanlar illərdir ki, qəzalı, kommunal şəraiti olmayan binalarda yaşayırlar”.

A. Hüseynzadə qeyd edib ki, Nazirlər Kabinetinin qərarı ilə prosesin sürətlə və effektiv həyata keçirilməsi üçün Sabunçu rayonunda qəzalı binaların sökülməsi, yeni binaların tikintisi, layihə sənədlərinə icazə verilməsi və istismara qəbulu ilə əlaqədar səlahiyyətlər Sabunçu rayon İcra Hakimiyyətinə verilib: 

“Çünki bu, pilot layihədir. Hər hansı tikinti şirkəti qəzalı vəziyyətdə olan binanı söküb, yerində təzə bina tikmək istəyirsə, yalnız Sabunçu rayon İcra Hakimiyyətinə müraciət edəcək, müvafiq razılıqları alacaq, sənədlər təsdiqlənəcək. Onu da deyim ki, Sabunçu rayon İcra Hakimiyyəti bu prosesdə Dövlət Şəhərsalma və Arxitektura Komitəsi, Fövqəladə Hallar Nazirliyi və digər müvafiq qurumların dəstəyindən, mütəxəssislərinin yardımından yararlanacaq.

Tutaq ki, zəruri hallarda Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin "Azərdövlətlayihə" Dövlət Baş Layihə İnstitutunun mütəxəssisləri, Dövlət Şəhərsalma və Arxitektura Komitəsinin əməkdaşları ilə birlikdə çalışacağıq. Biz Fövqəladə Hallar Nazirliyi, Dövlət Şəhərsalma və Arxitektura Komitəsinin rəhbərliyi ilə görüşlər keçirmişik, hansı mərhələdə lazım olarsa, bizə köməklik etməyə hazır olduqlarını bildiriblər”.


Facebook-da paylaş

Yeni xəbərlər

Reklam

Reklam